Komisioni Qendror i Zgjedhjeve ka zyrtarizuar mandatimin e deputetëve të rinj të Partisë Demokratike, Oriela Nebijaj dhe Petrit Doda.
Drejtoria e Përgjithshme e Gjendjes Gjyqësore ka konfirmuar se të dy kandidatët nuk ishin të dënuar me vendim penal të formës së prerë.
Doda, i cili mbante numrin 32 në listën e Tiranës për zgjedhjet e përgjithshme të vitit 2021 do të zëvendësojë Alfred Rushajn, ndërsa Nebijaj do të zëvendësojë Grida Dumën.
Në zgjedhjet parlamentare të 2021, Nebiaj siguroi 5 mijë e 606 vota preferenciale, por nuk i mjaftuan për të thyer herësin dhe për t’u futur në Kuvend.
Pasi plotësoi formularin, Nebiaj tha se është privilegj që të përfaqësojë në Kuvend qytetarët që e votëbesuan në zgjedhjet e 2021.
“Do të jetë privilegji më i madh i jetës time, të përfaqësoj njerëzit që më besuan dhe votuan për të qenë në Parlamentin e Shqipërisë. Formulari gati për tu dorëzuar nesër”, shkroi ajo në Facebook.
Duma la mandatin e deputetes për t’u angazhuar në botën e televizionit.
Ndërsa Rushaj hoqi dorë nga mandati i deputetit për motive personale.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Vizita e Cameron në Tiranë: Fokus emigrantët dhe plani për gjyqësorin
-
SPAK goditi 7 grupe kriminale, GJKKO konfirmon masat arrest në burg për 9 të arrestuar
-
A mundet Netanyahu të pengojë zgjedhjet e parakohshme dhe një strategji për Gazën?
-
De Rui: Drafti i Lajçakut të dërgohet në Gjykatën Kushtetuese