Shqipëria u mposht nga Italia me rezultat 1:3, në ndeshjen miqësore që u zhvillua në “Air Albania.
Pas ndeshjes, foli në konferencën për media trajneri i Italisë, Roberto Mancini, i cili përgëzoi kuqezinjtë për paraqitjen e sotme.
“Është një skuadër e mirë, e dinim këtë, Shqipëria bëri një ndeshje të mirë. Janë lojtarë të mirë, luajnë në Serie A, kanë kualitet, i bëj komplimente. I falënderojmë që na ftuan për këtë miqësore”, tha Mancini.
Ardian Ismajli e shënoi golin e parë për kuqezinjtë në minutën e 16-të, pastaj Italia e përmbysi avantazhin e Shqipërisë që në pjesën e parë me golat e shënuar nga Giovanni Di Lorenzo dhe Vincenzo Grifo.
Në pjesën e dytë, kuqezinjtë kanë humbur shumë raste për të shënuar, derisa Italia arriti t’i ndëshkojë me anë të një kundërsulmi, ku përsëri golashënues ishte Grifo.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kosova merr statusin e asociuar në Asamblenë Parlamentare të NATO-s, një hap i rëndësishëm drejt anëtarësimit të plotë
-
Rezoluta kundër korrupsionit i duhet vendit për t’u integruar në BE, thotë Rama në Kuvend
-
Bernard Guetta: Stoltenberg ka të drejtë për armët, Kievi duhet të godasë objektivat ruse
-
Raporti i AMA-s 2023, Krasniqi: Numri i ankesave është rritur, 49 shkelje nga të cilat 1 gjobë