“Vetëm bërtiti”.
Kështu e përshkruan Massimo Tarantino, ish-mbrojtësi i Napolit, Interit dhe Bolonjës dhe tashmë menaxher i Spalit, në Serinë B, momentin e fundit të tmerrit në Assago.
Ai është ende i trishtuar nga çka ndodhi atje.
Ish-futbollisti ishte ndër personat e parë që ndërhyri në qendrën tregtare në Assago, afër Milanos, për të çarmatosur 46-vjeçarin, i cili, me thikën e kuzhinës nga raftet e Carrefour, goditi disa persona.
“Unë hero? Nuk bëra asgjë”, u ka thënë ai gazetarëve jashtë hipermarketit.
Ish-mbrojtësi 51-vjeçar nga Palermo, i cili pasi mbylli karrierën e tij si futbollist në verën e vitit 2006 në Pavia, menjëherë kaloi provimin si drejtor sportiv dhe punoi fillimisht për Bolonjën dhe më pas për Romën.
Përpara se të përqafonte projektin Spal në verën e vitit 2021.
Tarantino ishte ndër klientët e hipermarketit, i cili, duke dëgjuar britmat e Andrea Tombolini-t, tani në paraburgim, u vërsul mbi të së bashku me persona të tjerë dhe e bllokuan.
E hodhën në tokë, larg thikës me të cilën kishte goditur për vdekje arkëtarin dhe kishte plagosur klientët e tjerë që gjendeshin aty.
Marrë nga “Corriere della Sera”, përshtatur për “Albanian Post”.
Pesë të goditur me thikë në qendrën tregtare në Assago, një i vdekur
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Promovimi i barazisë, përfshirjes sociale dhe mosdiskriminimit në Shqipëri
-
Tani Netanyahu është i rrethuar nga gjeneralët dhe vendi është me Ushtrinë
-
Nis takimi i Osmanit me nënsekretaren amerikane Elizabeth Allen