Kupa e Botës është bërë problem për disa futbollistë të rëndësishëm, të cilët po pësojnë dëmtime me ekipet e tyre respektive.
Rasti i fundit është ai i Leroy Sane-s, i cili u lëndua në ndeshjen e fundit, që skuadra e tij, Bayern Munich, triumfoi me rezultat 5:0 ndaj Freiburg-ut.
Futbollisti me pasaportë gjermane shënoi golin e tretë për bavarezët në minutën e 76-të, por më pas u detyrua të largohet nga fusha i dëmtuar.
ℹ️ Leroy Sané sidelined with a thigh injury.
— FC Bayern Munich (@FCBayernEN) October 17, 2022
26-vjeçari kreu më pas testet mjekësore, derisa gjatë ditës së sotme (e hënë), klubi i Bayern-it ka dalë me një komunikatë zyrtare, ku thuhet që Sane ka pësuar një tërheqje muskulore në këmbën e majtë.
Akoma nuk dihet saktësisht koha e rikuperimit, ndërkohë që prestigjiozja gjermane, “Bild” raporton se lojtari i kombëtares së Gjermanisë do të qëndrojë të paktën tre javë jashtë fushave.
Pjesëmarrja në Botërorin “Katar 2022” me Gjermaninë, për momentin nuk është në rrezik, por në Bavari i tremben faktit që lojtari mund të kërkojë më shumë se tre javë kohë për t’u rikuperuar.
Leroy Sané vs SC Freiburgpic.twitter.com/3Vshq7TBod
— Munich Comps (@MunichComps) October 17, 2022
Kujtojmë që Sane e nisi në mënyrën më të mirë këtë sezon me ekipin e tij. Në 16 ndeshje në të gjitha garat, ai ka shënuar 10 gola dhe ka dhuruar gjashtë asistime.
Ndërkohë, edhe te Gjermania, ai është futbollist titullar dhe shumë i rëndësishëm.
Futbollisti i lindur në Essen numëron 47 paraqitje zyrtare me kombëtaren gjermane, prej të cilave ka shënuar 11 gola.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohet ndarja e tribunave për dy finalet, Partizani – Egnatia dhe Skënderbeu – Vllaznia
-
“Isha më i mirë, fitoren ia dhanë për shkak të Ukrainës”, Fury pasi u mposht nga Usyku
-
Apolonia fiton Kupën e Shqipërisë për vajza
-
Bundesliga mbyll sezonin, por sytë mbeten ende nga finalja e Champions League
Lajmet kryesore
-
“Prodhimi i armëve”, Çfarë parashikon projektligji i hedhur në konsultim
-
Meloni detyrohet ta shtyjë vizitën për në Shqipëri – kontratë për menaxhimin e emigrantëve, por jo qendra
-
Grupi gjerman i akuzuar për komplot për grusht shteti del në gjyq
-
Mosanëtarësimi në KiE: Kurti s’flet për dështimet – sidomos nëse s’mund t’i fajësojë rivalët politikë