Zëvendës ndihmës sekretari i NATO-s, James Appathurai mbërriti në Tiranë për t’u takuar me ministrin e Mbrojtjes, Niko Peleshi.
Sipas tij, arsyeja kryesore e vizitës është ngritja e një koordinimi të aleatëve dhe zyrave teknike të NATO-s.
“Ne njohëm që Shqipëria po pëson sulme të rënda kibernetike dhe duam t’ju themi se nuk jeni vetëm dhe ne do ju mbështesim”, u shpreh fillimisht Appathurai.
Ai theksoi edhe përpjekjet e shtetit shqiptar për të përballuar këto sulme.
Zyrtari shtoi se të gjitha vendet e NATO-s e njohin dhe shikojnë sulmin e Shqipërisë dhe ky është mesazhi që sekretari i përgjithshëm (Jens Stoltenberg) i dha kryeministrit Edi Rama.
“Unë dhe skuadra jonë jemi këtu për të parë se çfarë mund të bëjmë, arsyeja kryesore për të bërë një koordinim për të parë nevojat afatgjate të Shqipërisë për të ndërtuar rrjet mbrojtjeje”, vijoi Appathurai.
Në përmbyllje, zyrtari siguroi ministrin shqiptar për mbrojtjen praktike që do të bëjë NATO ndaj Shqipërisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Vizita e Cameron në Tiranë: Fokus emigrantët dhe plani për gjyqësorin
-
Emigrantët, gjysma e BE-së kërkon të ndjekë modelin e Shqipërisë me Italinë
-
Kryeministri sllovak jashtë rrezikut për jetën, por mbetet në terapi intensive
-
Allen pas takimit me Kurtin: Të zbatohen të gjitha marrëveshjet që kanë bërë Kosova dhe Serbia