Policia e Krujës mëngjesin e 14 prillit ka finalizuar operacionin “Çinar”, duke arrestuar dy shtetas për kultivim të lëndëve narkotike. Ndërsa në pranga janë vënë edhe dy punonjës të OSHEE-së.
Konkretisht shtetasit Gj. G., 23 vjeç, banues në Shkodër dhe G. P., 18 vjeç, banues në Krujë, kishin përshtatur një magazinë për kultivimin e lëndëve narkotike me anë të llambave. Ata e furnizonin ambientin me një lidhjeje të paligjshme të energjisë elektrike.
Sakaq A. H., 22 vjeç, banues në Krujë, me detyrë elektricist pranë OSHEE-së dhe L. M., 31 vjeç, banues në Fushë Krujë, me detyrë lexues i aparatit matës, pranë OSHEE-së u arrestuan për veprën penale “Shpërdorimi i detyrës”.
Në kërkim janë shpallur edhe pronari i magazinës, shtetasi V. B., 38 vjeç, banues në Krujë,dhe dy bashkëpunëtorët e tij D. V., 32 vjeç dhe L. V., 31 vjeç, banues në Krujë (vëllezër.
Në cilësinë e provës materiale janë sekuestruar 700 bimë të dyshuara narkotike cannabis sativa dhe pajisje të ndryshme elektrike që shërbenin për kultivimin e bimëve narkotike në ambiente të mbyllura.
Në drejtimin e Prokurorisë vijon puna për dokumentimin e plotë të veprimtarisë kriminale të këtyre shtetasve, identifikimin dhe kapjen e autorëve të tjerë të përfshirë.
Materialet iu referuan Prokurorisë pranë Gjykatës së Rrethit Gjyqësor Krujë, për veprën penale “Kultivimi i bimëve narkotike”, kryer në bashkëpunim, “Vjedhja e energjisë elektrike” dhe “Shpërdorimi i detyrës”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Vizita e Cameron në Tiranë: Fokus emigrantët dhe plani për gjyqësorin
-
Emigrantët, gjysma e BE-së kërkon të ndjekë modelin e Shqipërisë me Italinë
-
Kryeministri sllovak jashtë rrezikut për jetën, por mbetet në terapi intensive
-
Allen pas takimit me Kurtin: Të zbatohen të gjitha marrëveshjet që kanë bërë Kosova dhe Serbia