Një ballafaqim mes një gazetareje ukrainase dhe kryeministrit britanik Boris Johnson është bërë viral në rrjet.
Gazetarja i bëri thirrje Johnson-it, gjatë një konference për shtyp të martën, që të bënte më shumë për të ndihmuar vendin e saj.
“Ju keni frikë”, u shpreh Kaleniuk. “Sepse NATO nuk është e gatshme të mbrohet. Sepse NATO ka frikë nga Lufta e Tretë Botërore, por ajo tashmë ka filluar”.
Deklarata erdhi gjatë një hapësire pyetjesh dhe përgjigjesh së bashku me kryeministrin polak Mateusz Morawiecki.
Daria Kaleniuk është gazetare e Qendrës së Veprimit Kundër Korrupsionit. Ajo deklaroi se është nga Kiev-i, por kohët e fundit kishte kaluar kufirin për në Varshavë.
“Po flisni për më shumë sanksione, kryeministër, por Roman Abramovich nuk është i sanksionuar”, vazhdoi ajo.
Kaleniuk bëri thirrje gjithashtu për një zonë ndalim-fluturimi. Të njëjtën gjë do kërkonte më herët edhe presidenti ukrainas Volodymyr Zelensky.
“Unë jam shumë i vetëdijshëm se nuk është e mjaftueshme ajo që ne mund të bëjmë, si Qeveria e Mbretërisë së Bashkuar, për të ndihmuar në mënyrën që dëshironi dhe unë duhet të jem i sinqertë për këtë”, u përgjigj Johnson.
Sipas kreut të qeverisë britanike, “implikimi” i një zone ndalim-fluturimi, do e angazhonte gadishullin “në luftime të drejtpërdrejta me Rusinë”.
“Pasojat e kësaj do të ishin vërtet shumë, shumë të vështira për t’u kontrolluar”, deklaroi kryeministri britanik.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Kosova dhe ShBA-ja nënshkruajnë marrëveshje kundër manipulimit të informacionit nga shtetet e huaja
-
Promovimi i barazisë, përfshirjes sociale dhe mosdiskriminimit në Shqipëri
-
Parashikimi i motit, 19 maj 2024
Lajmet kryesore
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Promovimi i barazisë, përfshirjes sociale dhe mosdiskriminimit në Shqipëri
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit