Kryetari i Partisë Demokratike, Lulzim Basha, nuk komentoi vendimin e Gjykatës Kushtetuese për të mos shkarkuar presidentin e Republikës së Shqipërisë, Ilir Meta.
Pikërisht në oborrin e Kuvendit, që vendosi për shkarkimin e Metës, Basha argumentoi se njoftimi i GjK-së nuk është “vendim i cili komentohet”.
“Mund t’iu them se për ne theksi edhe sot edhe nesër është zbardhja e plotë e skandalit më të madh të këtyre 30 viteve”, vijoi kryedemokrati duke iu referuar “inceneratorëve”.
Me një njoftim të orëve të vona, Gjykata Kushtetuese zbuloi vendimin e saj për të mos shkarkuar Presidentin e Republikës së Shqipërisë, Ilir Meta.
Kushtetuesja në këtë mënyrë shfuqizoi votimin e Kuvendit për shkarkimin e kreut të shtetit.
Në publikimin e GjK-së bëhet me dije se vendimi përfundimtar do të shpallet i arsyetuar brenda afateve ligjore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gati për konsultim publik Plani i Menaxhimit për Parkun Kombëtar të Vjosës, thotë Rama
-
Escobar: Opozita të gjejë rrugën e saj, mos të drejtohet nga dikush që na kujton kohët e vështira
-
U zbuluan nga megaoperacioni i SPAK, përjashtohen nga Policia e Shtetit dy efektivë të lidhur me bandat
-
Projekt pilot për pagesat elektronike, Rama: Eviton evazionin nga bizneset