John Pinette, shefi i komunikimit në kompaninë mëmë të Facebook-ut, Meta Platforms Inc, po largohet nga kompania.
Njoftimin e ka bërë të ditur vetë kompania e mediave sociale të premten e vonë të 7 janarit.
Një zëdhënës i Meta-s ka treguar për agjencinë “Reuters” se do të jetë Chris Norton, nënkryetari i komunikimeve ndërkombëtare, ai që do të mbulojë rolin përkohësisht.
“Pinette është larguar nga Meta. I jemi mirënjohës për kontributin e tij pozitiv gjatë një periudhe intensive dhe domethënëse në historinë e kompanisë dhe i urojmë suksese në vazhdim”, është thënë në deklaratën e kompanisë.
Nha ana tjetër, zëdhënësi nuk ka pranuar të tregojë mbi arsyen e largimit të Pinette, duke rikujtuar politikën e Meta-s për të mos komentuar çështjet e personelit.
Pinette u emërua si nënkryetar i komunikimeve globale në prill të vitit 2019, referuar faqes zyrtare të kompanisë.
Përpara se t’i bashkohej kompanisë, Pinette ka drejtuar komunikimet për Gates Ventures, zyrën private dhe laboratorin e inovacionit të Bill Gates, për pesë vjet.
Ai ka qenë edhe kreu i komunikimeve në Azi për Google-in. Gjithashtu ka mbajtur një sërë pozicionesh drejtuese të produktit dhe komunikimit të korporatës në kompaninë Microsoft.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kush është Ilya Sutskever, shkencëtari i shkëlqyer që u largua nga OpenAI
-
Si e ktheu inteligjenca artificiale një YouTuber-e ukrainase në ruse?
-
Mustafa Suleyman: AI do të na bëjë të pasur, por nëse i bëjmë gjërat siç duhet
-
OpenAI konsideron të lejojë përdoruesit të krijojnë pornografi të krijuar nga AI
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Varshava do të shpenzojë 2.3 miliardë për të forcuar kufirin e saj me Ukrainën
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE