Në Ditën Ndërkombëtare të Remitancave, të mërkurën e 16 qershorit, Ministri i Shtetit për Diasporën, Pandeli Majko, foli për projektin e ngritjes së një banke të Diasporës.
Në aktivitetin që organizohet nga Agjencia Kombëtare e Diasporës, Majko u shpreh se një nga marrëveshjet midis Shqipërisë dhe Kosovës është konkretizimi në të ardhmen i këtij institucioni të përbashkët financiar.
Për Majkon, tema e Remitancave është konsideruar si vetëm një e ardhur. Por në fakt, Remitancat i takojnë një rendi të ri të alfabetit ekonomik, sipas tij.
Majko deklaroi se në Shqipëri, Remitancat përfshijnë të ardhurat më të mëdha për shtetin shqiptar me rreth 1 miliard dollarë.
“Banka e Shqipërisë dhe Instat-i ka disa vite që kanë futur tek të dhenat e tyre edhe Remitancat e Diasporës”, nënvizoi Majko.
Sakaq, ai shpjegoi se aktualisht të ardhurat për Remitancat përdoren për ndërtim, shëndetësi dhe arsim.
Fjala e zëvendës ministres së Financave
Zv. ministrja e Financave, Vasilika Vjero deklaroi se Remitancat janë gjithmonë të rëndësishme dhe i kanë rezistuar momenteve më të vështira të shqiptarëve.
Ajo u shpreh se gjatë pandemisë Remitancat pësuan rënie, por gjatë tre-mujorit të parë të vitit 2021 shihet një rritje e tyre.
“Pandemia ka sjellë uljen e pagesave në menyrë cash dhe rritjen e tyre në mënyrë elektronike”, tha Vjero.
Ministria e Financave, shtoi Vjero, është mbështetëse e Remitancave dhe Diasporës. Ajo theksoi mbështetjen për ata individë që duan të kthehen në vendin e tyre dhe të investojnë.
Vjero solli në vëmendje dy nisma. “Gati për Shqipërinë”, ku emigrantë janë të ftuar të kthehen për të punuar për të mirën e vendit. Financimin e bizneseve apo sipërmarrjeve të reja, për secilin që do të kthehet dhe ka vendosur të bëjë biznes në Shqipëri, Vjero shtoi se do të përfitojë 5 mijë euro. Në të përfshihen dhe trajnime apo këshillime.
Kuptimi i Remitancave dhe i ditës
Remitancat përfaqësojnë të ardhurat që migrantët dërgojnë në vendlindje për familjarët e tyre. Kjo datë është një nderim edhe i përpjekjeve të qindra-mijëra migrantëve shqiptarë, të cilët me të ardhurat e tyre, sigurojnë një të ardhme më të mirë për familjet në Shqipëri.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Hasani takim me Kaja Kallas: Diskutime për forcimin e marrëdhënieve dypalëshe
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Balla takim në Drejtorinë e Policisë Kombëtare të Spanjës: Thellojmë bashkëpunimin, grupe të përbashkëta hetimore për aktivitetet kriminale
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Varshava do të shpenzojë 2.3 miliardë për të forcuar kufirin e saj me Ukrainën
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE