Paris Saint-Germain ka filluar të mendojë për merkaton verore, gjatë të cilës janë të përgatitur që të sjellin Messi-in në Francë.
Pas datës 30 qershor, në rast se negociatat për rinovimin dështojnë, Messi do të jetë lojtar i lirë.
Gjigantët francezë u eliminuan nga Champions League këtë mesjavë.
Edhe pse ende janë në garë në Ligue 1 dhe Kupën e Francës, parisienët po mendojnë se si të kthehen në nivelet më të larta të futbollit evropian përsëri.
Për këtë arsye, skuadra e Pochettino-s është shumë e motivuar që të sjellë Messi-n në Paris.
Me Mbappe-n që kërkon largimin, ky transferim duket edhe më i mundur.
Edhe pse ata dëshirojnë që të krijojnë treshen e jashtëzakonshme: Neymar, Mbappe, Messi, parisienët janë të vetëdijshëm që kjo është thuajse e pamundur.
Nëse Messi vendos të qëndrojë te Barcelona ose të shkoj diku tjetër, përveç PSG-së, fokusi i parisienëve do të kthehej te Mohamed Salah.
Paris Saint-Germain kërkon të përforcojë edhe dy pozita tjera veç sulmit, ato janë: mesfushor dhe mbrojtës i krahut të djathtë.
Dy emrat për mesfushën janë Georginio Wijnaldum i Liverpool-it dhe Eduardo Camavinga i Rennes-it.
Kurse për krahun e djathtë të mbrojtjes, emri i vetëm deri më tani është Serge Aurier.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
A negocioi KFOR-i për tërheqjen e grupit të Radoiçiçit – komiteti i NATO-s konstaton, misioni paqeruajtës e mohon, qeveria hesht
-
Egnatia fiton titullin e parë në historinë e klubit në Superiore
-
Hamasi nga Rafahu shënjestron Tel Avivin, pse tani
-
Nga Basquiat te Warhol: Ja se si ndryshoi gjithçka në artin e 1984-s