Ministri i Mbrojtjes, Armend Mehaj, ka thënë se senatorët amerikanë e kanë përkrahur idenë e tij për vendosjen e një baze të përhershme ushtarake amerikane në Kosovë.
Ai përmes një postimi në llogarinë e tij në Facebook, ka thënë se së bashku me Presidenten e Kosovës, Vjosa Osmani dhe Ministren e Punëve të Jashtme, Donika Gërvalla, kanë takuar senatorët James Risch, Jeanne Shaheen, Joni Ernst dhe Chris Coons.
“Senatorët amerikanë mirëpresin propozimin tim për vendosjen e bazës së përhershme ushtarake amerikane”.
“Në takim u diskutua dhe u përkrahë nga senatorët amerikan edhe ideja ime për praninë e një bazë të përhershme ushtarake amerikane në Republikën e Kosovës. U shprehën se do të vazhdojnë të përkrahin këtë ide në çdo instancë të vendimmarrjes së shtetit amerikan”, ka shkruar Mehaj në Facebook.
Ministri potencoi se delegacioni amerikan i ka përgëzuar për menaxhimin me refugjatët afganë dhe për kontributin e FSK-së në Kuvajt.
“Delegacioni na përgëzoi për 10 vjetorin e Partneritetit Shtetëror me Gardën Kombëtare të Iowa-s si dhe shprehën falënderimet për kontributin e Kosovës me bashkë-zbarkimin e Forcës së Sigurisë së Kosovës me trupat amerikane në Kuvajt. Gjithashtu për kontributin në menaxhimin e krizës së refugjatëve nga Afganistani”.
Ndryshe Mehaj gjatë të shtunën e 21 tetorit gjatë Forumit Ndërkombëtar për Siguri në Halifax, kishte takuar edhe shefin e Mbrojtjes së Forcave të Armatosura të Holandës, gjeneral Onno Eichelsheim, me ç’ rast kishin diskutuar për një bashkë-zbarkim të Forcave të Sigurisë së Kosovës me trupat holandeze.
“Bashkë u dakorduam për të shqyrtuar mundësitë për thellimin bilateral të mëtejmë në fushën e sigurisë, veçanërisht për mundësinë e bashkë-zbarkimit të trupave tona në misione ndërkombëtare ku trupat holandeze janë të angazhuara”, kishte shkruar ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Nga presionet politike te krimi i organizuar, bilanci i Altin Dumanit te “Ligjet”
-
Gjiknuri: I qëndrojmë variantit të votimit me postë për Diasporën
-
Spanja, Norvegjia dhe Irlanda njohin Palestinën: Precedentët e mëparshëm dhe pse asgjë nuk ndryshon
-
PDK po dëshiron ta shmang elefantin në dhomë – Asociacionin