Rusia ka akuzuar shtetin e Ukrainës se Kievi po përgatit një bombë “ të pistë”.
Ajo nuk ka ofruar asnjë provë për pretendimet e saj, të cilat Organizata e Traktatit e Atlantikut të Veriut, NATO, i ka i ka hedhur poshtë.
Presidenti i Ukrainës, Volodymyr Zelensky, paralajmëroi se ky pretendim nënkuptonte se vetë Rusia mund të përgatiste një sulm të këtij lloji.
Të ashtuquajturat bomba të pista përmbajnë material radioaktiv, si uraniumi, i cili shpërndahet në ajër kur shpërthen eksplozivi i tij konvencional. Ato nuk kanë nevojë të përmbajnë material radioaktiv shumë të rafinuar, siç përdoret në një bombë bërthamore, gjë që i bën dhe më të lehta për t’u manovruar.
Agjencia Ndërkombëtarë e Energjisë Atomike (IAEA), tha se kishte marrë një ftesë nga qeveria ukrainase për të “verifikuar” direkt në dy vende të paspecifikuara për publikun.
Rafael Grossi , drejtor i përgjithshëm i agjencisë tha se IAEA, inspektoi një nga këto vende një muaj më parë dhe se gjetjet e bëra ishin në përputhje me deklaratat mbrojtëse të Ukrainës.
Moska pritet të përsërisë pretendimin gjatë një takimi të Këshillit të Sigurimit të OKB-së të martën.
Në një letër drejtuar Sekretarit të Përgjithshëm të OKB-së, Antonio Guterres, përfaqësuesi rus në këshill, Vassily Nebenzia, tha se vendi i tij “do ta konsideronte përdorimin e bombës së pistë nga regjimi i Kievit si një akt terrorist”.
Pretendimet e Moskës, të bëra nga ministri i saj i Mbrojtjes, Sergei Shoigu, janë hedhur poshtë nga Ukraina dhe aleatët e saj Perëndimorë.
Ato vijnë pasi forcat ukrainase vazhdojnë të fitojnë terren në rajonin jugor të Khersonit.
Forcat e Kievit filluan një kundërsulm në rajon në gusht të këtij viti duke përparuar ngadalë drejt kryeqytetit rajonal të Kherson-it.
Zyrtarët nga Moska, të ardhur më parë, janë duke u larguar nga qyteti dhe u kanë kërkuar civilëve që të evakuohen në zonat mbi lumin Dnieper, territor i kontrolluar nga Rusia.
Shefi i inteligjencës ushtarake të Ukrainës, Kyrylo Budanov, paralajmëroi mediat shtetërore se trupat ruse në rajon në fakt po përgatisnin mbrojtjen e qytetit në vend që të tërhiqeshin.
Kherson është i vetmi qytet i madh ukrainas, një kryeqytet rajonal, që forcat ruse kanë arritur ta zotërojnë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani takohet me Hillary Clinton-in: SHBA-ja vazhdon ta ndihmojë Kosovën
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Balla takim në Drejtorinë e Policisë Kombëtare të Spanjës: Thellojmë bashkëpunimin, grupe të përbashkëta hetimore për aktivitetet kriminale
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Tre turistë spanjollë dhe një afgan u vranë nga një sulm në Afganistan
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE