Policia e Kosovës, të martën e 26 prillit ka realizuar një operacion policor, në Mitrovicën e Veriut, konkretisht në lagjen e Boshnjakëve.
Këtë për Albanian Post e ka bërë të ditur, zëdhënësi i Policisë, Baki Kelani.
Sipas tij, në operacionin në fjalë nuk ka të arrestuar.
“Policia e Kosovës, në këtë rast departamenti i hetimeve ka realizuar një operacion policor në Mitrovicë, konkretisht në lagjen e Boshnjakëve. Gjatë këtij operacioni policorë është kryer bastisje në një lokacion. Nuk raportohet për të arrestuar, përderisa dy personave iu është lënë ftesë për paraqitje në Policinë e Kosovës, mbi dyshimin e bazuar për ndihmë në kryerjen e veprës penale”, ka thënë Kelani për AP.
Ndryshe, Policia e Kosovës përkatësisht Njësiti Special, ditë më parë kishte zhvilluar edhe një aksion tjetër në pjesën Veriore të Mitrovicës.
Këtë e kishte konfirmuar zëdhënësi i Policisë së Kosovës për Mitrovicën e Veriut, Branislav Radoviç, i cili mes tjerash kishte bërë të ditur se bëhet fjalë për një aksion të njësisë kundër narkotikëve e që po asistohet edhe nga policët e stacionit lokal.
“Policia e Kosovës po ofron ndihmë njësitit për narkotikë dhe për momentin nuk kamë informacione më të detajuara”, ka thënë Radoviç, për mediumin serb me seli në Kosovë, Kossev.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani: Rusia përmes satelitit të saj Serbisë paraqet rrezik aktiv për de-stabilizim të rajonit
-
Cameron në Shqipëri, shpalos programin për të luftuar korrupsionin dhe krimin e organizuar
-
Franca irriton aleatët duke ftuar Rusinë në ceremoninë e “Ditës D”
-
Bajrami: Kurti të japë dorëheqje – ka dështuar
Lajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Tani Netanyahu është i rrethuar nga gjeneralët dhe vendi është me Ushtrinë
-
Osmani: Rusia përmes satelitit të saj Serbisë paraqet rrezik aktiv për de-stabilizim të rajonit