Me shpalljen e garës për kryetare të Lidhjes Demokratike të Gruas nga ana e kreut të bluve, Lulzim Basha, “molla e radhës” e sherrit mes eksponentëve të lartë të kësaj partie, është shkëputur nga pema e gjerë e diskutimeve të brendshme.
Kryetarja aktuale që prej vitit 2009, Albana Vokshi, vendimin e quajti arbitrar, uzurpues dhe të bërë në mënyrë qesharake në telefon.
Kështu, Vokshi, jo për të parën herë, doli kundër vendimit të kryetarit Basha.
Mirëpo, në kundërpërgjigje ndaj saj, është deputetja e PD-së, Orjola Pampuri, e cila nuk sheh asgjë antidemokratike në vendimin e Bashës.
Përkundrazi, vendimi i kryedemokratit, është një lajm i mirë për LDG-në sipas saj.
“Zgjedhja e kryetares së LDG-së me parimin “një anëtar, një votë” është një lajm i mirë për të gjitha gratë dhe vajzat demokrate, që besojnë tek PD dhe duan të japin kontributin e tyre”, shkruan ajo në Facebook.
Ndërsa mbi vetë Vokshin, Pampuri akuzon se ajo duhet ta kishte përfunduar prej tetë vjetësh mandatin. Ndaj, mbi drejtimin e grave në PD, asnjë nuk mund ta cilësojë veten legjitime.
“Shumë pak e dinë, por LDG nuk ka pasur në 12 vjet asnjë strukturë përveç Kryetares me mandat të skaduar. Zonja Vokshi nuk e miratoi kurrë statutin e LDG, siç e urdhëron Statuti i Partisë, nuk hapi kurrë garë për asnjë strukturë drejtuese të Lidhjes”, vijon ajo retorikën e saj.
Sakaq, me një garë të hapur, pritet që të ndërmerren votime edhe për strukturën në përgjithësi.
Këtu përfshihen zgjedhje e një sekretareje të Përgjithshme, nënkryetare, kryesie dhe Këshilli Kombëtar.
Vijimi i procesit të brendshëm
Kryetari i Partisë Demokratike, Lulzim Basha ka vijuar me “procesin brenda partisë”.
Pas vendimit për riorganizimin dhe zgjedhjen e organeve drejtuese të Forumit Rinor, edhe Lidhja Demokratike e Gruas së Shqipërisë (LDGSH) do të hyjë në një proces zgjedhor.
Basha udhëzoi zhvillimin e zgjedhjeve për kryetaren e LDGSH-së, post i cili mbahet me emërim që prej vitit 2012. Zgjedhja e kryetares së LDGSH-së do të bëhet sipas parimit 1 anëtar, 1 votë.
Kryedemokrati ka ngritur një grup të posaçëm për zgjedhjet në LDGSH, i cili përbëhet nga: Grida Duma, Arta Sakja, Dhurata Çupi, Orjola Pampuri, Greta Bardeli, Alfrida Marku, Ina Zhupa, Eralda Tase Bano, Zheni Gjergji dhe Ledina Aliolli.
Grupi i punës do të mbikëqyrë mbarëvajtjen e procesit për zgjedhjen e Kryetares dhe zgjedhjet. Po ashtu, për riorgarnizimin e të gjitha forumeve të tjera të LDGSH në qendër dhe në degë.
Në LDGSH mungojnë prej vitesh forume të tilla drejtuese si kryesia apo Këshilli Kombëtar i LDGSH-së. Deri tani kjo organizatë drejtohet nga deputetja e PD Albana Vokshi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rezoluta kundër korrupsionit i duhet vendit për t’u integruar në BE, thotë Rama në Kuvend
-
Rezoluta antikorrupsion, Çuçi: Drejtësia vepron e pavarur, fund mitit të pandëshkueshmërisë
-
Sulmi kibernetik nuk i ka prekur të dhënat e Censit, sipas Dhulit
-
Shtyhet mbledhja për fatin e kreut të KLP-së, Balla: Dua të dëgjohem
Lajmet kryesore
-
Kosova merr statusin e asociuar në Asamblenë Parlamentare të NATO-s, një hap i rëndësishëm drejt anëtarësimit të plotë
-
Rezoluta kundër korrupsionit i duhet vendit për t’u integruar në BE, thotë Rama në Kuvend
-
Thirrja nga Gaza: Në Rafah s’ka më shpëtim, po vdesim drejtpërdrejtë në televizione
-
Sulmi kibernetik nuk i ka prekur të dhënat e Censit, sipas Dhulit