Kryeministri i Kosovës, Albin Kurti, të mërkurën ka zhvilluar një takim në Prishtinë me ambasadorin e Francës në Kosovë, Olivier Guerot, me të cilin ndër të tjera ka biseduar për takimin e nivelit të lartë në kuadër të dialogut Kosovë-Serbi nën patronazhin e Bashkimit Evropian (BE), më 14 shtator në Bruksel.
Në prag të këtij takimi që vjen pas atij të fundit më 2 maj, kreu i ekzekutivit kosovar dhe diplomati francez, sipas njoftimit të Zyrës për Komunikim Publik, kanë theksuar nevojën për zbatimin e plotë dhe të pakushtëzuar të Marrëveshjes së Brukselit (27 shkurt) dhe Aneksit të Ohrit (18 mars).
“Në takim u diskutua edhe për marrëdhëniet bilaterale, çështjet aktuale dhe për takimin e nesërm të nivelit të lartë në Bruksel, pritjet nga ai takim dhe për rëndësinë e zbatimit të plotë, të shpejt dhe pa kushte të Marrëveshjes Bazike dhe Aneksit të saj”, thuhet në njoftimin e Qeverisë së Kosovës.
Gjithashtu, palët kanë diskutuar edhe për organizimin e Lojërave Mesdhetare 2030 në Kosovës me ç’rast ambasadori Guerot i ka ofruar kryeministrit Kurti ndihmën dhe përvojën e Francës nga organizimi i këtyre lojërave në vitin 1993 për një organizim sa më të mirë të këtij eventi sportiv.
Kryeministri Kurti dhe presidenti i Serbisë Aleksandër Vuçiç janë takuar për herë të fundit më 2 maj, ndërsa tensionimi i situatës në veriun e Kosovës të banuar me serbë etnikë ka ndikuar substancialisht në bllokimin e ecurisë së procesit të dialogut që i mbajti të zënë diplomatët perëndimorë përgjatë gjithë kësaj kohe.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
TV izraelit: “Sipas burimeve perëndimore, Raisi nuk mbijetoi”
-
I ftohti ekstrem mund të pengojë shpëtimtarët të arrijnë në vendin e rrëzimit të helikopterit, raportojnë mediat iraniane
-
Tre punonjës të shpëtimit janë zhdukur, thotë Gjysmëhëna e Kuqe
-
20 ekipe shpëtimi dhe dronë u dërguan në vendin e rrëzimit të helikopterit të presidentit iranian
Lajmet kryesore
-
Rrëzohet helikopteri ku ndodhej presidenti iranian, sipas mediave shtetërore
-
SPAK goditi 7 grupe kriminale, GJKKO konfirmon masat arrest në burg për 9 të arrestuar
-
Forca Detare shqiptare dërgon anijen e dytë në operacionet e NATO-s
-
Kurti i ankohet Allenit që Komiteti i Ministrave s’e shqyrtoi kërkesën e Kosovës për anëtarësim në Këshill të Evropës