Përtej urimeve të zakonshme, Kosovës nuk do t’i mungojë as mbështetja dhe asistenca e Shqipërisë, për rrugëtimin drejt bashkësisë evropiane, pas aplikimit të bërë për anëtarësim në Bashkimin Evropian.
Kështu dëshmon edhe ministrja shqiptare për Evropën dhe Punët e Jashtme, Olta Xhaçka, e ka uruar Prishtinën për aktin e ndërmarrë dhe ka treguar gatishmëri për ndihmë në vijimësinë e procesit.
“Urime Kosovës për aplikimin si vend kandidat në BE”, shkruan kryediplomatja shqiptare në llogarinë e saj në Twitter. “Shqipëria do të mbështesë dhe asistojë Kosovën në çdo hap të këtij procesi”.
Congratulation to #Kosova 🇽🇰 on its #EU 🇪🇺 membership application. #Albania 🇦🇱 will support & assist #Kosova in every step of this process.
Kosova's place is in the EU just as the #WB future is in the #EU 🇽🇰🇪🇺— Olta Xhaçka🇦🇱 (@xhacka_olta) December 15, 2022
Teksa, në mbyllje të mesazhit, ajo përsiat se si vendi i Kosovës, ashtu si i gjithë Ballkanit Perëndimor, është në Bashkimit Evropian, drejt një të ardhmeje të përbashkët.
Vetëm këtë vit, pas dekadash si vend kandidat për anëtarësim, Tirana hapi zyrtarisht negociatat me BE-në, së bashku me Maqedoninë e Veriut, ku ka nisur tashmë puna për shqyrtimin e kapitujve dhe përmbushjen e tyre, deri në çastin kur dy shtetet ballkanike të jenë gati për të qenë pjesë e familjes së madhe evropiane.
Kosova ka aplikuar zyrtarisht për anëtarësim në Bashkimin Evropian të enjten e 15 dhjetorit, kur kryeministri Albin Kurti, i ka dorëzuar kërkesën Presidencës çeke.
Ky aplikim, ndonëse simbolik, është mirëpritur edhe nga deputetët e Parlamentit Evropian, të cilët kanë folur mbi çështjen.
Raportuesja e Përhershme për Kosovën në PE, Viola von Cramon dhe Kryesuesi i Delegacionit të PE-së për marrëdhëniet me Kosovën, Romeo Franz, dorëzimin e kërkesës për anëtarësim nga kryeministri Albin Kurti, përmes një deklarate të përbashkët, e kanë vlerësuar si “moment historik në marrëdhëniet BE-Kosovë”.
“Aplikimi i Kosovës për anëtarësim në Bashkimin Evropian nuk pasqyron vetëm orientimin e vendosur pro-evropian të kosovarëve dhe konsensusin mes partive politike. Është gjithashtu një zgjedhje e qartë strategjike në këto kohë sfidash të paprecedentë gjeopolitike”.
Eurodeputetët kanë theksuar se solidariteti i Kosovës me popullin e Ukrainës e ka pozicionuar atë si një partner të besueshëm të aleancës evropiane dhe transatlantike.
“Ne përgëzojmë harmonizimin e vazhdueshëm të Kosovës me politikën e jashtme dhe të sigurisë të BE-së, para së gjithash përmes miratimit të sanksioneve pas luftës së agresionit rus kundër Ukrainës”.
Ndërkaq, Cramon dhe Franz, u kanë bërë thirrje Greqisë, Spanjës, Rumanisë, Sllovakisë dhe Qipros – pesëshja mosnjohëse e BE-së – që ta njohin pavarësinë e Kosovës dhe “ta lejojnë atë të përparojë në rrugën e saj evropiane në baza të barabarta me vendet e tjera të Ballkanit Perëndimor”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Operacioni i SPAK: Arrestohet Naim Stafuka, vëllai i Enver Stafukës i rrëmbyer dhe zhdukur në 2015
-
Megaoperacioni i SPAK, zbardhen detaje nga akuzat për Durim Bamin
-
Shqipëria “rrezikon përkeqësimin” e rezultateve në testin PISA – Intervistë e Albanian Post me Irida Xhurën, specialiste arsimi
-
Turistët në Mbretërinë e Bashkuar braktisin Spanjën dhe Greqinë për Shqipërinë, thotë gjigandi turistik
Lajmet kryesore
-
Shqipëria “rrezikon përkeqësimin” e rezultateve në testin PISA – Intervistë e Albanian Post me Irida Xhurën, specialiste arsimi
-
Balla takim në Drejtorinë e Policisë Kombëtare të Spanjës: Thellojmë bashkëpunimin, grupe të përbashkëta hetimore për aktivitetet kriminale
-
Tre turistë spanjollë dhe një afgan u vranë nga një sulm në Afganistan
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE