Zëvendësministrja e Ministrisë së Kulturës Rinisë dhe Sportit së Republikës së Kosovës, Daulina Osmani, ka zhvilluar takim me Presidentin e Këshillit Sportiv të Japonisë, Ashidate Satoshi dhe Drejtorin e Departamentit të Informacionit dhe Marrëdhënieve Ndërkombëtare, Takahiro Waku.
Osmani bashkë me Satoshi-n dhe Waku-n kanë diskutuar për mundësitë e bashkëpunimit mes dy shteteve në fushën e sportit.
Ata po ashtu kanë shtjelluar tema për projektet e përbashkëta të cilat kanë të bëjnë me zhvillimin e kapaciteteve profesionale të trajnerëve dhe instruktorëve sportivë.
Imazhe nga takimi.Mes tjerash, gjatë bisedës është folur edhe për mundësitë e ndarjes së eksperiencës në menaxhimin dhe mirëmbajtjen e objekteve sportive, furnizimin me pajisje sportive të nevojshme për zhvillimin maksimal të sportistëve si dhe organizimin e garave sportive.
Presidenti i Këshillit Sportiv të Japonisë, Satoshi dhe Drejtori i Departamentit të Informacionit dhe Marrëdhënieve Ndërkombëtare, Waku, e uruan Osmanim për arritjet në sportin e xhudos, ku Kosova fitoi dy medalje të arta në Lojërat Olimpike “Tokio 2020”.
Në këtë takim zëvendësministrja Osmani u shoqërua edhe nga Arbër Mehmeti, i ngarkuar me punë në Ambasadën e Kosovës në Japoni.
Ndryshe, Kosova ka treguar sukses për sa i përket medaljeve të fituara në Lojërat Olimpike “Tokyo 2020”.
Ky sukses erdhi falë arritjeve të dy xhudisteve kosovare, Distria Krasniqi dhe Nora Gjakova të cilat fituan medaljet e tyre të arta në këtë garë botërore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohet ndarja e tribunave për dy finalet, Partizani – Egnatia dhe Skënderbeu – Vllaznia
-
“Isha më i mirë, fitoren ia dhanë për shkak të Ukrainës”, Fury pasi u mposht nga Usyku
-
Apolonia fiton Kupën e Shqipërisë për vajza
-
Bundesliga mbyll sezonin, por sytë mbeten ende nga finalja e Champions League
Lajmet kryesore
-
“Prodhimi i armëve”, Çfarë parashikon projektligji i hedhur në konsultim
-
Meloni detyrohet ta shtyjë vizitën për në Shqipëri – kontratë për menaxhimin e emigrantëve, por jo qendra
-
Grupi gjerman i akuzuar për komplot për grusht shteti del në gjyq
-
Mosanëtarësimi në KiE: Kurti s’flet për dështimet – sidomos nëse s’mund t’i fajësojë rivalët politikë