Klinaku i OVL-së: Mimozën, bashkëbiseduesen e kriminelit Radojiçiç, po e mbron pushteti e s’po e thërret prokuroria
Mimoza Kusari-Lila, shefja e Grupit Parlamentar të Lëvizjes Vetëvendosje do të duhej të jepte dorëheqje e të fillojnë hetimet për bisedat e saj me kriminelin e shpallur terrorist nga Kosova, Milan Radojiçiç, ka shkruar në Facebook, Faton Klinaku, Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtare të Kosovës.
Postimi i Klinakut në Facebook vjen pas intervistës së Slavko Simiç nga Lista Serbe, i cili tha se Kusari-Lila, ndryshe nga sa thotë ajo, ka biseduar shpesh dhe shumë gjatë me Radojiçiç-in.
“Dëshiroj t’ia rikujtoj bashkëbisedueses time se gjatë seancave të caktuara parlamentare caktoi një pauzë për të pasur rastin të bisedojë me Radojiçiç-in dhe të kërkojë prej tij mbështetjen e Listës Serbe, e cila ishte e nevojshme për funksionimin e saj në atë moment”, deklaroi Simiç.
Prandaj, Klinaku thotë se është i befasuar se si “bashkëbiseduesen e një krimineli të shpallur nga Kosova e që është edhe në listë të zezë të SHBA-ve e mbron pushteti, e prokuroria nuk e thërret as për intervistim”.
Ai shkruan se Kusari Lila “në vend se t’jap dorëheqje e me këtë të lehtësohet hetimi i skandaleve, ngrisin padi duke u munduar që ta largojnë vëmendjen nga to”.
OVL pati paralajmëruar protestë duke deklaruar edhe se nuk do të lënë të futen deputetët në Parlamentin e Kosovës, përderisa Kusari-Lila vazhdon të jetë pjesë e këtij institucioni, por në mungesë të organizimit ata nuk dolën kur u mbajt seanca.
Tashmë ka kaluar rreth një muaj, prejse për herë të parë u publikuan videot ku Kusari-Lila e Slavko Simiç dëgjoheshin tek flisnin për shumë tema, mes tyre edhe ajo e listave të veteranëve të luftës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani takohet me Hillary Clinton-in: SHBA-ja vazhdon ta ndihmojë Kosovën
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE
-
Dështimi i Kosovës në KiE: Reuten: Gjermania, Franca dhe Italia iu përulen Serbisë
-
Kurti, ambasadorit britanik: Faleminderit për mbështetje për anëtarësim në KiE
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE