Zgjedhjet

Zgjedhjet në Shqipëri

Ish-Presidenti Nishani: Basha, përgjegjësi kryesor i humbjes, PD të lihet e lirë

Nga albanianpost

27 Prill 2021 / 21:01

Nëpërmjet një mesazhi të postuar në profilin e medias sociale Facebook, të martën e 27 prillit ka reaguar ish-Presidenti Bujar Nishani. Ai nuk shmang asnjë nga përgjegjësitë politike. Sa i takon qeverisjes Rama e konsideron të korruptuar.
Ndërsa nuk kursen aspak edhe kreun e Partisë Demokratike duke e akuzuar si përgjegjës kryesor për katër humbje politike rradhazi. Ai shtoi se priste që Lulzim Bash të lërë të lirë Partinë Demokratike.
Më poshtë deklarata e plotë e Bujar Nishanit:
“Të dashur miq, rezultati i zgjedhjeve ishte zhgënjim dhe dëshpërim i madh për votuesit dhe mbështetësit e opozitës si dhe një mundësi e pashfrytëzuar për ndryshimin e shumëpritur.
Qeverisja e korruptuar e Edi Ramës do të vijojë të mbajë pushtetin përsëri, pas 8 viteve të skandaleve e dështimeve !
Sot është momenti që Partia Demokratike të çlirohet nga shembulli i paaftësisë dhe modelit që po e asgjeson atë pak nga pak.
Sot është momenti që Partia Demokratike të lihet e lirë për tu ringritur në madhështinë që i takon si Parti e Lirisë dhe Rinisë.
Sot përgjegjësi kryesor i 4 humbjeve politike rradhazi vendosi ta mbajë peng Shtëpinë e Lirisë në interes të pushtetit të tij personal !
Z. Basha sot duhej të merrte përgjegjësinë e dështimit të tij personal prej 8 vitesh !
Sot Edi Rama mban peng Shqipërinë dhe Lulzim Basha tenton të mbajë peng Partinë Demokratike.
Partia Demokratike nuk është pronë personale e një njeriu.
Ajo është Shtëpia e Lirisë e qindra mijëra shqiptarëve.
Askush nuk do të mundet ta marrë atë peng për asnjë arsye, në asnjë formë e me asnjë çmim !

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com
  • Lulzim Basha
  • Partia Demokratike
  • Bujar Nishani

    • Të fundit nga rubrika

    Lajmet kryesore

    Më të shikuarat

    Historia e jashtëzakonshme e shkollës së parë shqipe në Kosovë: Mësuesit, nxënësit, lëndët dhe librat e parë nga vitet 1800

    5d Lajme

    Rama mbërrin në Athinë, shqiptarët grumbullohen masivisht në pritje të tij

    6d Lajme

    Robert Fico është në gjendje të qëndrueshme pas operacionit

    3d Lajme

    Rreth 400 mijë euro u investuan për rregullimin e stadiumit të Vitisë – por ende është jashtë funksionit

    4d Video