Universiteti i Prishtinës (UP), ka marrë vendim që të suspendoj profesorin e rregullt të matematikës në Fakultetin e Edukimit, i cili së fundmi është denoncuar nga 27 studente të Mjekësisë për ngacmim seksual në Këshillin e Etikës.
“Mbi bazën e vendimit të Këshillit të Etikës dhe rekomandimit drejtuar Rektoratit, Rektori i UP-së mori vendim për pezullimin nga puna të Prof. Xh.K., me efekt të menjëhershëm, sipas kornizës normative përkatëse, derisa të përfundojnë veprimet hetuese nga ana e prokurorisë se shtetit”, është thënë nga Universiteti i Prishtinës.
“Këshilli i Etikës i rekomandon Rektoratit pezullimin nga puna të Prof. Xh.K, sipas kornizës normative përkatëse, derisa të përfundojnë veprimet hetuese nga ana e prokurorisë se shtetit”.
Ndërsa është propozuar që çështja e profesorit Krasniqi të vazhdojë edhe nga organet e hetuesisë.
“Bazuar në informatat e ofruara nga Këshilli i Etikës i Universitetit të Prishtinës, në lidhje me denoncimin e paraqitur ndaj Prof. Xh.K., UP njofton se Këshilli i Etikës ka marrë vendim mbi këtë rast.· Këshilli i Etikës i rekomandon Rektoratit që çështjen e referuar kundër Prof. Xh.K. ta procesojë edhe formalisht në organet e hetuesisë dhe të bashkëpunojë me to”.
Më 9 prill, ministrja e Arsimit, Shkencës dhe Teknologjisë, Arbërie Nagavci, kishte reaguar lidhur me pretendimet e disa studenteve që janë ngacmuar seksualisht nga profesori i rregullt i Universitetit të Prishtinës në fakultetin e Mjekësisë, Xhevat Krasniqi duke thënë se pret nga Këshilli i Etikës që ta trajtojë rastin pa vonesë.
“Si ministre e Arsimit pres nga Këshilli i Etikës si instancë kompetente dhe e pavarur statutare, që pa vonesë dhe në mënyrë meritore të trajtojë këtë rast dhe të gjitha pretendimet e ngjashme për sjellje që bien ndesh me normat e kodit etik dhe kuadrin normativ”, kishte thënë ajo.
Ndërkaq më 11 prill, në protestën e organizuar nga Lëvizja Feministe Studentore u kërkua largimi i tij.
Aktivistja, Erza Dubova, konsideroi që Universiteti i Prishtinës nuk është i sigurt për vajzat.
Ndërkaq, nga Rrjeti i Grave të Kosovës thanë se Këshilli i Etikës është duke e trajtuar me vonesë këtë rast.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Texas-i fal ushtarin amerikan që qëlloi protestuesin e Black Lives Matter
-
Plagosje në Prizren, i dyshuari në arrati
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE
-
Ambasadorja e SHBA-ve në NATO, thirrje vendeve të Ballkanit Perëndimor të rrisin shpenzimet e mbrojtjes
Lajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Vula e PD-së, Apeli cakton datën e gjykimit
-
Dëshmia rrëqethëse e një neurokirurgu amerikan që shkoi në Gaza për të shpëtuar jetë
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE