Mobilizim maksimal për t’i sjellë Kosovës një qeveri të re.
Ky ka qenë mesazhi që Kryetari i Partisë Demokratike të Kosovës (PDK), Memli Krasniqi, ua ka dhënë kryetarëve të degëve të këtij subjekti politik, gjatë takimit të së mërkurës, ku prezent ka qenë edhe kandidati për kryeministër nga radhët e kësaj partie, Bedri Hamza.
Përveç kësaj, siç ka njoftuar PDK-ja në një komunikatë për media, Krasniqi i ka njoftuar kryetarët e degëve në lidhje me vendimet e marra në mbledhjen e fundit të Këshillit Drejtues, si zgjerimi i kryesisë me anëtarë të rinj dhe nominimi i Hamzës kandidat për kryeministër.
“Krasniqi në këtë takim kërkoi që kryetarët e degëve të fillojnë parapërgatitjet për zgjedhjet nacionale, duke u mobilizuar me të gjitha kapacitetet për fitoren e PDK-së për t’ia sjellë Kosovës një Qeveri të re – të aftë dhe kompetente”, thuhet në njoftim.
Zgjedhjet e ardhshme parlamentare – në kushte normale – do të duhet të mbaheshin në shkurt të vitit 2025, mirëpo partia në pushtet, pra Lëvizja Vetëvendosje, dhe opozita kanë shprehur gatishmërinë që të njëjtat të mbahen më herët.
Në këtë drejtim, PDK-ja ka ndërmarrë hapa konkretë duke e mandatuar Hamzën si kandidat për kryeministër, dhe duke propozuar 9 qershorin si datë për zgjedhjet e reja parlamentare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
BQE ushtron presion mbi bankat evropiane: Largohuni menjëherë nga Rusia – Moska kërcënon me shpronësim
-
Sullivan pritet të takojë Netanyahun, i cili është nën presion politik
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Kosova dhe ShBA-ja nënshkruajnë marrëveshje kundër manipulimit të informacionit nga shtetet e huaja
Lajmet kryesore
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Promovimi i barazisë, përfshirjes sociale dhe mosdiskriminimit në Shqipëri
-
Sullivan pritet të takojë Netanyahun, i cili është nën presion politik
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit