Dëshmitari Sadik Halitjaha, në Gjykatën Speciale gjatë dëshmisë së tij ka treguar gatishmëri që ta mbajë burgun në vend të ish-kryeparlamentarit të Kosovës, Jakup Krasniqi nëse ky i fundit ka ndonjë faj.
Kërkesë e Halitjahës, ka qenë që ai të lirohet në shtëpi.
“Unë e mbajë burgun e Jakup Krasniqit, të lirohet ai”, tha Halitjaha.
Këtë deklaratë Halitjaha e ka bërë gjatë marrjes në pyetje nga mbrojtja e Rexhep Selimit.
Ai më pas është marrë në pyetje edhe nga avokati i ish kryetarit të Kuvendit të Kosovës, Kadri Veseli, Ben Emmerson i cili e ka pyetur atë për disa dokumente që janë hartuar nga ai.
“Shikojmë, në rend kronologjik se plani në të majtë përshkruhet në fund që i takon periudhës përpara konferencës së Rambujesë, sigurisht kjo ka qenë çështje e raportit publik megjithatë besoj që është rënë dakord mes palëve. A është e saktë që më 6 shkurt ka filluar konferenca e Rambujesë?”, ka thënë Emmerson.
Halitjaha, tutje e ka kritikuar avokatin Emmerson për mos-shqiptimin e emrit të tij në mënyrë të duhur.
“Nëse s’keni harruar zotëri Emmerson, unë ju thërras mirë në emër ju s’mund të ia qëlloni mbiemrit dhe emrit tim. Unë kam qenë nga gjysma e dhjetorit, deri më 15 janar në shtab të përgjithshëm dhe ishte shef Adem Grabovci, pastaj ka munguar s’ka qenë fare aty dhe unë kam qenë aty deri më 15 janar kur kishte nisur masakra e Reçakut”.
Halitjaha, është duke e vazhduar dëshminë e tij në Gjykatën Speciale për të dytën herë më radhë, një ditë më herët në Speciale kishte deklaruar ish udhëheqësi i Shtabit të Përgjithshëm të Ushtrisë Çlirimtare të Kosovës, Shefqet Kabashi në seancë të mbyllur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Shqipëria “rrezikon përkeqësimin” e rezultateve në testin PISA – Intervistë e Albanian Post me Irida Xhurën, specialiste arsimi
-
Balla takim në Drejtorinë e Policisë Kombëtare të Spanjës: Thellojmë bashkëpunimin, grupe të përbashkëta hetimore për aktivitetet kriminale
-
Tre turistë spanjollë dhe një afgan u vranë nga një sulm në Afganistan
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE