Greta Thunberg është arrestuar sërish teksa u është bashkuar qindra protestuesve që u mblodhën në një hotel me pesë yje në Londër për të denoncuar një takim të quajtur “Oscars of Naft”.
Aktivistja suedeze e klimës u fut në pjesën e pasme të një furgoni nga policia pasi mori pjesë në protestat që bllokuan hyrjet e InterContinental në Park Lane, vendi i Forumit të Inteligjencës së Energjisë (EIF).
Thunberg ka thënë se “pas këtyre dyerve të mbyllura në konferencën e naftës dhe parave, politikanët po bëjnë marrëveshje dhe kompromise me lobistët nga industritë shkatërruese, industria e karburanteve fosile”.
“Njerëzit në të gjithë botën po vuajnë dhe po vdesin nga pasojat e krizës klimatike të shkaktuar nga këto industri, të cilët ne i lejojmë të takohen me politikanët dhe të kenë akses të privilegjuar”, ka shtuar ajo.
Sipas saj, elitat e konferencës së naftës dhe parasë, nuk kanë ndërmend të arrijnë tranzicionin.
“Plani i tyre është të vazhdojnë këtë kërkim shkatërrues për fitime. Kjo është arsyeja pse ne duhet të ndërmarrim veprime të drejtpërdrejta për ta ndalur këtë dhe për të nxjerrë paratë e naftës nga politika. Ne nuk kemi zgjidhje tjetër veçse të vendosim trupat tanë jashtë kësaj konference dhe ta prishim fizikisht atë”, ka theksuar ajo.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Si mund të kërkojë dikush më shumë?
-
Meloni detyrohet ta shtyjë vizitën për në Shqipëri – kontratë për menaxhimin e emigrantëve, por jo qendra
-
Grupi gjerman i akuzuar për komplot për grusht shteti del në gjyq
-
Mosanëtarësimi në KiE: Kurti s’flet për dështimet – sidomos nëse s’mund t’i fajësojë rivalët politikë