Sekretari i Shtetit të SHBA-së, Antony Blinken, ka uruar nëpërmjet një video mesazhi në Twitter festën e Sulltan Nevruzit.
“I uroj të gjithëve anembanë në botë, gëzuar Nevruzin. Shpirti i ringjalljes dhe ripërtërimit në këtë festë duhet të na udhëheqë në ditë më të mira”.
Blinken ka përmendur në mesazh të parët qytetarët në Iran dhe Lindjen e Mesme. Më pas e ka zgjeruar urimin drejt vendeve evropiane, Kaukazit, Azisë qendrore dhe jugore si dhe dy amerikave.
“Shënjues i ditës së parë të pranverës, Nevruzi është një kohë për t’u mbledhur me familjen dhe miqtë. Një kohë për të shijuar gatimet dhe ëmbëlsirat përfaqësuese të ëmbëlsisë së jetës. Duhet të reflektojmë mbi vitin e kaluar, ndërkohë që shohim përpara bekimet e të ardhmes”.
Wishing a #HappyNowruz to everyone around the world who celebrates this festive occasion. May the Nowruz spirit of rebirth and renewal guide us all to better days! pic.twitter.com/Gk9eFHttgA
— Secretary Antony Blinken (@SecBlinken) March 20, 2021
Një ndër sfidat e përmendura nga Blinken është ajo e të bashkuarit të familjeve të ndara në botë.
“Të mos pasurit mundësi për të qenë me të dashurit është një ndër sfidat me të cilat u përballëm gjatë pandemisë. Nowruz Pirouz”, përmbyll mesazhin Blinken-i.
Festa e Sulltan Nevruzit kremtohet në Shqipëri më 22 mars. Në vende të tjera ndërkohë, data ndryshon.
Irani është vendi kryesor, i cili e kremton Nevruzin nga 20-24 marsi. Vendet e tjera përfshijnë Kosovën, Irakun, Taxhikistanin, Kirgistanin, Gjeorgjinë, Kazakistanin dhe pellgun e Lindjes së Mesme.
Fjala Nevruz vjen nga persishtja dhe ka kuptimin “Ditë e Re”. Sulltan ndërkohë është titulli i lartë, i cili i është dhënë për të transmetuar rëndësinë e kësaj dite.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dy presidentë të tjerë iranianë i kanë mbijetuar dikur rrëzimit të helikopterit
-
Raisi, njeriu fetar pa karizëm që u ngjit në majat e teokracisë iraniane
-
Moti i keq- ekipet e shpëtimit nuk kanë arritur në vendin e rrëzimit të helikopterit të Raisi-t
-
Çfarë pritet të ndodhë në Iran nëse Raisi ka vdekur: Votimi dhe roli i Khameneit
Lajmet kryesore
-
Presidenti iranian Raisi dyshohet se ka vdekur në aksident ajror
-
SPAK goditi 7 grupe kriminale, GJKKO konfirmon masat arrest në burg për 9 të arrestuar
-
Raisi, njeriu fetar pa karizëm që u ngjit në majat e teokracisë iraniane
-
Kurti i ankohet Allenit që Komiteti i Ministrave s’e shqyrtoi kërkesën e Kosovës për anëtarësim në Këshill të Evropës