Kryeministrja e Serbisë, Ana Bërnabiç, në një intervistë disa ditë pas dy vrasjeve masive të ndodhura në Beograd ka akuzuar opozitën për politizimin e çështjes në fjalë duke e fajësuar presidentin e Serbisë, Aleksandër Vuçiç.
Ndërsa opozita në Serbi ka njoftuar se do të mbajë një protestë të hënën e 8 majit për shkak të situatës së sigurisë në Serbi, Bërnabiç ka kujtuar se vrasje të ngjashme masive ka pasur edhe në vende të tjera, po se “askush nuk e ka shfrytëzuar kurrë një gjë të tillë për përballje politike dhe sulm ndaj qeverisë”.
“Është e paimagjinueshme. Është skandaloze dhe e pakuptueshme nga ana njerëzore të thuhet se për këto krime është fajtor Aleksandër Vuçiç dhe partia të cilën ai e udhëheq. A jeni normal? Ju nxituat të politizoni dhe kjo nuk kontribuon në uljen e polarizimit në vendin tonë”, ka thënë Bërnabiç.
Një vrasje masive ka ndodhur në orët e hershme të mëngjesit të ditës së mërkurë kur një nxënës 13-vjeçar ka nxjerrë një armë nga çanta pasi ka mbërritur në shkollë dhe ka qëlluar ku si pasojë nëntë persona u vranë dhe gjashtë fëmijë dhe një mësues u plagosën rëndë.
Dorasi i mitur u arrestua menjëherë në oborrin e shkollës ku kreu vrasjet.
Një ditë pas vrasjes masive në shkollën fillore, një tjetër pasoi në fshatrat afër Mlladenovcit, rreth 60 kilometra larg Beogradit.
Tetë persona humbën jetën dhe 14 u plagosën në atë sulm të armatosur të ndodhur në orët e vona të mbrëmjes së 4 majit.
Në mëngjesin e 5 majit, policia arrestoi të dyshuarin për sulmin. Një i ri njëzet e një vjeçar dyshohet për vrasje masive.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Euro 2024: Lista e Shqipërisë zbulohet të hënën
-
I shkarkuar apo në detyrë? – KLP vendos të hënën për fatin e Alfred Ballës
-
Mbi 100 mijë euro ndahen nga Komuna e Prishtinës për shërimin e 23-vjeçares që pësoi nga rënia e kulmit
-
Krasniqi letër Kurtit, Abdixhikut dhe Haradinajt për nevojën e mbajtjes së zgjedhjeve të parakohshme
Lajmet kryesore
-
PD-ja italiane – pas fjalëve të Ramës – i kërkon Melonit të ndalojë fondet për kampin e emigrantëve në Shqipëri
-
Nagavci hap tender për ekspert që monitoron kritikat e mediave
-
I shkarkuar apo në detyrë? – KLP vendos të hënën për fatin e Alfred Ballës
-
Krasniqi letër Kurtit, Abdixhikut dhe Haradinajt për nevojën e mbajtjes së zgjedhjeve të parakohshme