Mbi 100 mijë euro ndahen nga Komuna e Prishtinës për shërimin e 23-vjeçares që pësoi nga rënia e kulmit

Kuvendi Komunal i Prishtinës, ka ndarë mbi 100 mijë euro për shërimin e vajzës së lënduar që kishte pësuar nga kulmi i rënë i komunës në lagjen “Arbëria” në janar të 2024-së.

Lajmin e ka bërë të ditur kryetari i Prishtinës, Përparim Rama, në mbledhjen e mbajtur të enjten ku ka thënë se përmes këtij buxheti do të ndihmojnë në shërimin e saj.

“Ajo është me fat dhe ne jemi me fat që ajo është sot me neve. Kështu që propozimi është t’i ndihmojmë për ta vazhduar shërimin dhe ju lus që ta votojmë të gjithë së bashku”, ka thënë Krasniqi.

Rrëzimi i çatisë së kulmit i kishte shkaktuar lëndime të rënda një 23-vjeçareje.

Krahas kësaj nga rrëzimi i saj ishin demoluar shumë nga automjetet e parkuara afër ndërtesës.

Prokuroria e Themelore në Prishtinë pati njoftuar se ishin ndaluar dy persona të dyshuar në rastin e rënies së kulmit të ndërtesës së Komunës së Prishtinës.

Njëri pre tyre është zyrtar i Komunës së Prishtinës e tjetri person përgjegjës i kompanisë punuese për vendpunishten e saj.

Gjatë kësaj jave erërat e fuqishme kishin shkaktuar edhe rënien e disa skeleve mbi disa vetura në Prishtinë.

Por, që nuk ishte raportuar për persona të lënduar, por vetëm për dëme material.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.