Pas përfundimit të takimit në mes të komisionit për Punë të Jashtme dhe Diasporë dhe delegacionit nga Ministria për Evropë dhe Punët e Jashtme të Republikës së Shqipërisë, në një konferencë për media, Haki Abazi, në cilësinë e kryetarit të komisionit ka potencuar se me delegacionin nga Shqipëria kanë biseduar për mundësinë dhe potencialin e bashkëveprimit dhe bashkërendimit të punëve të të dy komisioneve në fushën e politikës së jashtme.
“Është një listë e gjatë e veprimeve që janë duke ndodhur, por është një moment intensifikimi sidomos në drejtim të institucioneve ndërkombëtare dhe Kombeve të Bashkuara, nuk jemi këtu për të rritur shpresat në kuptimin e anëtarësimit të Kosovës në Kombet e Bashkuara, është një proces i gjatë dhe i vështirë, por rrethanat në të cilat jemi mundësojnë një bashkëveprim më të madh të dyja shteteve në këtë drejtim”, ka thënë Abazi.
Në anën tjetër, përfaqësuesi nga Ministria e Punëve të Jashtme të Shqipërisë, Gazmend Turdiu, ka njoftuar se Shqipëria është e interesuar të ndihmojë Kosovën në konsolidimin e pavarësisë së saj në arenën ndërkombëtare.
“Ne shkëmbyen me shumë kënaqësi në mënyrë të hapur mendimet tona dhe biseduam si mund të bashkërendojmë për të shtyrë përpara agjendat e përbashkëta të të dy vendeve në organizata ndërkombëtare, përfshirë në Këshillin e Sigurimit”, ka thënë Turdiu.
Ndryshe një javë më parë Komisioni për Punë të Jashtme të Kosovës ishte nikoqirë i Komisionit për Politikën e Jashtme të Kuvendit të Shqipërisë.
Sipas Abazit të dy komisionet në këtë takim ishin zotuar që Kosova dhe Shqipëria duhet të jenë të kujdesshëm e të mbrohen së bashku ndaj rreziqeve të mundshme pas agresionit rus në Ukrainë.
Në anën tjetër, Kryetarja e Komisionit për Politikën e Jashtme të Kuvendit të Shqipërisë, Mimi Kodheli, kishte folur rreth angazhimit të Shqipërisë për anëtarësimin e Kosovës në strukturat euro-atlantike.
“Besoj në atë se Shqipëria që bënë për Kosovën për anëtarësimin në NATO nuk e bënë askush”, kishte thënë shkurt ajo.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjiknuri: I qëndrojmë variantit të votimit me postë për Diasporën
-
Begaj bisedë me Cameron: Vlerësim të veçantë për shtimin e trupave në KFOR
-
Nga presionet politike te krimi i organizuar, bilanci i Altin Dumanit te “Ligjet”
-
Deputetët e PD-së italiane, vizitë në Gjadër: Meloni të heqë dorë nga projekti, asgjë në 70 mijë metra katrorë
Lajmet kryesore
-
Nga presionet politike te krimi i organizuar, bilanci i Altin Dumanit te “Ligjet”
-
Gjiknuri: I qëndrojmë variantit të votimit me postë për Diasporën
-
Spanja, Norvegjia dhe Irlanda njohin Palestinën: Precedentët e mëparshëm dhe pse asgjë nuk ndryshon
-
PDK po dëshiron ta shmang elefantin në dhomë – Asociacionin