Zëdhënësit e Qeverisë së Republikës së Maqedonisë të Veriut, Muhamet Hoxha dhe Dushko Arsovski, deklaruan sot se shpërndarja e 35 milionë eurove, që ishin të planifikuara nga koncesioneri TAV, për ndërtimin e Aeroportit Kargo në Shkup, tani do të investohen në projekte infrastrukturore në 75 komuna.
Arsovski theksoi se në zbatim do të vendosen 92 projekte infrastrukturore, të cilat do të përmirësojnë cilësinë e jetës së qytetarëve.
Këto projekte përfshijnë furnizimin me ujë të pijshëm, rrjet kanalizimesh me rrjedhje deri në pikat e fundit të shkarkimit, rikonstrukturimin dhe ndërtimin e rrugëve lokale, shkollave fillore dhe të mesme, rezervuarë uji, e shumë projekte të tjera.
Zëdhënësi Hoxha prezantoi disa pjesë të projekteve, përsa u përket bashkive në veçanti.
Qyteti i Shkupit nga këto investime do të ketë në dispozicion gjithsej 6 milion euro për realizimin e dy projekteve: një për ndërtimin e aksit rrugor Mumin-Potok dhe projektin për ndërtimin e urës në lagjen Karposh.
Mbi 1 milionë euro do të ndahen në: Shuto Orizar, Shtip, Çair, Strumicë, Tetovë, Kërçovë, Strugë për projekte që do të përmirësojnë cilësinë e jetës së qytetarëve.
Projektet janë parashikuar të realizohen edhe në komunat e Sarajit, Butelit, Karposhit dhe komuna tjera.
Sipas Marrëveshjes me Kompaninë “TAV” që në vitin 2008, ishte parashikuar që me 49 milionë euro të ndërtohej Aeroporti Kargo në Shtip. Ndryshimi erdhi si pasojë e analizës për vlerësimin ekonomik, që prej shkurtit të vitit 2020. /AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Davkova ul tonet me Greqinë: E respektojmë Marrëveshjen e Prespës
-
‘Dualizmi’ i Mitsotakis – Nga një anë thotë se është mbështetësi kryesor i integrimit të Ballkanit, nga tjetra i vë kushte Shqipërisë dhe Maqedonisë së Veriut
-
Erdogani e krahason Netanyahun me Hitlerin, Millosheviçin e Karaxhiçin
-
Petkoviçi akuzon NATO-n për “standarde të dyfishta” pas avancimit të Kosovës: Serbia dhe Vuçiçi – therrë për fuqitë perëndimore
Lajmet kryesore
-
Macron dhe Scholz kërkojnë me urgjencë reforma, për ‘Evropën e vdekshme’
-
Detyroni Rusinë të bëjë paqe, Zelensky i kërkon Perëndimit
-
Kuvendi miraton vetëm me votat e shumicës Rezolutën antikorrupsion të PS-së
-
Haradinaj për Kurtin: Supozohet se ishte në lidhje dashurie me vajzën e një ish-ministri të Millosheviçit, i shërben agjendës serbo-ruse