Portugalia është ekipi i fundit që kualifikohet në çerekfinale të Kupës së Botës, teksa në fazën e 1/8-ve eliminuan Zvicrën, duke e mposhtur me rezultat 6:1.
Në këtë triumf të portugezëve, ishte “zëvendësuesi i Ronaldo-s” Goncalo Ramos, që shkëlqeu duke shënuar tre gola.
Ndeshja nisi që në fillim me një ritëm të lartë të portugezëve, derisa zvicëranët arritën të rezistonin deri në minutën e 17-të.
Ramos e hapi serinë e golave, duke realizuar një gol shumë të bukur në hyrje të zonës, pas asistimit të Joao Felix.
Goli i dytë i portugezëve erdhi në minutën e 33-të, kur veterani, Pepe, shënoi me kokë pas një harkimi nga këndi të Bruno Fernandes-it.
Me epërsi të dyfishtë u mbyll pjesa e parë, derisa në të dytën portugezët u treguan të papërmbajtshëm, duke shënuar edhe katër gola të tjerë.
Ramos gjeti golin e tij të dytë personal në këtë ndeshje në minutën e 51-të, derisa katër minuta më vonë shënoi edhe anësori i Dortmund-it, Raphael Guerreiro, i cili realizoi një super-gol.
Tre minuta më vonë, zviceranët e ngushtuan paksa epërsinë me golin e Manuel Akanji.
Megjithatë, pesë minuta pas këtij goli, sulmuesi i Benfica-s, Ramos, e shënoi edhe golin e tij të tretë personal në këtë ndeshje për rezultatin 5:1.
Krejt në fund të ndeshjes, pati vend edhe për spektakël të yllit të Milan-it, Rafael Leao-s.
Vetëm pesë minuta pasi hyri në lojë, Leao realizoi super-gol për rezultatin përfundimtar 6:1.
Portugalia në çerekfinale do të ndeshet me Marokun.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Nis takimi trepalësh në Bruksel
-
6 familje kërcënojnë me vetëflijim ndaj shembjes së banesave të tyre në Thumanë-Kashar
-
Administrata e Biden planifikon dërgesë armësh prej 1 miliard dollarësh në Izrael
-
Krerët e shtetit po e “armatosin” Serbinë me mundësi për “ofensivë diplomatike” kundër Kosovës, thotë Haziri