“Kosova dhe vendet e tjera në Ballkanin Perëndimor duhet ta shohin ndikimin në rritje të Kinës dhe të mbrohen nga aktivitetet e saj”.
Kështu është deklaruar Drejtori i Institutit për Studimin e Drejtave të Njeriut në Universitetin Columbia-s, David L. Philips, pasi sipas tij ndikimi rus në rajon është zbehur dhe se Kina është kërcënimi më e madhe për Kosovën.
“Rusia kërkon të nxisë kaosin dhe paqëndrueshmërinë në rajon ndërsa Kina bënë hapa sistematike për të integruar dhe kontrolluar ekonomitë e vendeve të Ballkanit”, ka thënë Phillips, për BIRN.
Sipas Phillips, Kina influencën e saj në Ballkanin Perëndimor është duke e shtrirë nëpërmjet diplomacisë ekonomike.
“Huawei, gjiganti kinez i telekomunikacionit, është një instrument i politikës së jashtme kineze. Si pjesë e ‘Rrugës dixhitale të mëndafshit’, SHBA akuzon Huawei -n për avancimin e interesave të Kinës duke mbledhur informacion për qëllime të inteligjencës, diçka që Huawei e mohon. Huawei përveç Serbisë, ka një prani veçanërisht të fortë në Bosnjë dhe Hercegovinë”.
Prandaj Phillips mendon se Kosova duhet të jep një përgjigje ndaj synimeve të Rusisë dhe Kinës duke bashkëpunuar me fqinjët si dhe me agjencitë e inteligjencës perëndimore.
“Kosova duhet të krijoj një grupi të planifikimit strategjik për Rusinë dhe Kinën për të studiuar aktivitetet e tyre dhe për të zhvilluar hapa konkrete në politik dhe fushën e sigurisë”, ka shtuar ai.
Profesori amerikan madje sugjeron se Shtetet e Bashkuara të Amerikës duhet të trajnojnë Forcën e Sigurisë së Kosovës me standardet e NATO-s.
“SHBA-të duhet të nënshkruaj një Traktat të Mbrojtjes së Ndërsjellë, të ngjashme me marrëveshjen e SHBA-së me Korenë e Jugut, për të mbrojtur Kosovën nga kërcënimet e jashtme”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Sullivan pritet të takojë Netanyahun, i cili është nën presion politik
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Kosova dhe ShBA-ja nënshkruajnë marrëveshje kundër manipulimit të informacionit nga shtetet e huaja
-
Promovimi i barazisë, përfshirjes sociale dhe mosdiskriminimit në Shqipëri
Lajmet kryesore
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Promovimi i barazisë, përfshirjes sociale dhe mosdiskriminimit në Shqipëri
-
Sullivan pritet të takojë Netanyahun, i cili është nën presion politik
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit