Stavri Bello është larguar nga detyra e Sekretarit të Përgjithshëm të Komitetit Olimpik Kombëtar Shqiptar (KOKSH) ditën e mërkurë të 8 shtatorit.
Bello ishte në këtë post prej 25 vitesh me radhë. Ndërsa, tashmë ai do të zëvendësohet nga ish-basketbollisti i Kombëtares së Shqipërisë, Gerti Shima.
Lajmi u bë i ditur nga vetë KOKSH në mediat sociale.
“Gerti Shima emërohet Sekretar i Përgjithshëm i KOKSH”, shkruhet në postimin e KOKSH në Facebook.
“Komiteti Ekzekutiv i KOKSH ka miratuar propozimin e Presidentit, Fidel Ylli, për të emëruar Gerti Shima si Sekretar i Përgjithshëm i KOKSH”.
“Ai mori sot zyrtarisht detyrën si Sekretar i Përgjithshëm ndërsa u prezantua me anëtarët e tjerë të stafit të KOKSH”.
“Shima ka një karrierë të gjatë si basketbollist në disa ekipe brenda dhe jashtë vendit, kapiten i ekipit Tirana si dhe anëtar i ekipit kombëtar prej disa vitesh”, përfundon shkrimi i KOKSH.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Vula e PD-së, Apeli cakton datën e gjykimit
-
Dëshmia rrëqethëse e një neurokirurgu amerikan që shkoi në Gaza për të shpëtuar jetë
-
Dinari vazhdon të përdoret në Veri për kryerjen e pagesave, askush s’i kontrollon