Elon Musk planifikon të shkurtojë rreth 3 mijë 700 vende pune në median sociale Twitter Inc ose me saktë gjysmën e fuqisë punëtore të kompanisë.
Kjo, si mënyrë për të ulur sa më shumë kostot.
Lajmi u raportua nga “Bloomberg News” të mërkurën e 2 nëntorit, duke cituar burime të brendshme të kësaj çështjeje.
Sipas raportit, pronari i ri i Twitter do të informojë brenda javës stafin e prekur nga ky shkurtim.
Në raport gjithashtu citohet se Musk synon të ndryshojë edhe politikat e mediave sociale dhe do të kërkojë që punonjësit të punojnë nga zyra, megjithëse mund të bëhen disa përjashtime.
Multibiliarderi prej pak kohësh ka marrë kontrollin e një prej platformave më me ndikim të mediave sociale në një marrëveshje 44 miliardë dollarësh.
Ai e ka shpërndarë bordin e Twitter-it dhe e ka bërë veten “drejtorin e vetëm” të kompanisë.
Musk e përmbylli më 28 tetor të gjithë procesin e blerjes së gjigandit të mediave sociale, Twitter.
Vendimi i parë si pronar i kompanisë ishte pushimi nga puna i drejtuesve ekzekutivë.
Mes drejtuesve më të lartë të Twitter, të cilët u pushuan nga puna, ka qenë edhe drejtuesi i kompanisë në vitet e fundit, Parag Agraëal, të cilët i ishin besuar vendimet kryesore të platformës.
Përtej Agraëal, edhe financieri kryesor i Twitter, Ned Segal si edhe drejtuesi juridik, Vijaya Gadde, u pushuan nga puna dhe në bazë të asaj çfarë njerëzit brenda zyrave kanë treguar, ata “u eskortuan jashtë godinës menjëherë pas lajmit se blerja u përmbyll”.
Marrë nga “Bloomberg News”, përshtatur për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani: Rusia përmes satelitit të saj Serbisë paraqet rrezik aktiv për de-stabilizim të rajonit
-
Cameron në Shqipëri, shpalos programin për të luftuar korrupsionin dhe krimin e organizuar
-
Franca irriton aleatët duke ftuar Rusinë në ceremoninë e “Ditës D”
-
Bajrami: Kurti të japë dorëheqje – ka dështuar
Lajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Tani Netanyahu është i rrethuar nga gjeneralët dhe vendi është me Ushtrinë
-
Osmani: Rusia përmes satelitit të saj Serbisë paraqet rrezik aktiv për de-stabilizim të rajonit