Ministria e Punëve të Brendshme në Kosovë, ka njoftuar se brenda dy ditëve pas fillimit të zbatimit të reciprocitetit për targa të përkohshme me Serbinë, janë lëshuar gjithsejtë 6 mijë 375 targa.
Tutje në njoftimin e MPB-së është bërë e ditur se targat e përkohshme janë administruar në të gjitha Pikat e Kalimit Kufitar dhe në Qendrat e Regjistrimit të Automjeteve.
“Gjatë periudhës 20 – 22 Shtator 2021, Ministria e Punëve të Brendshme (MPB), respektivisht Agjencia për Regjistrim Civil (ARC), ka administruar gjithsej 6 mijë e 375 targa të përkohshme në të gjitha Pikat e Kalimit Kufitar (PPK) dhe Qendrat e Regjistrimit të Automjeteve në mbarë territorin e Republikës së Kosovës”, thuhet në njoftim.
Vendimi për targat ka hy në fuqi mëngjesin e së hënës të 20 shtatorit.
Qytetarët që kanë tabela të veturave të Serbisë obligohen t’i vendosin të Kosovës, në të kundërtën nuk lejohen të hyjnë në Kosovë.
Ky vendim i Qeverisë së Kosovës ka shkaktuar reagime të ashpëra nga Beogradi, duke paralajmëruar ankesa në Bashkimin Evropian dhe masa ekonomike e politike ndaj Kosovës.
Kryeministri i Kosovës, Albin Kurti, kishte thënë se vendimi për targat e përkohshme është i drejtë dhe garanton të drejtën e lëvizjes së lirë, përfshirë edhe qytetarëve serbë gjithandej në Kosovë.
Ai kishte folur edhe për pengesat në rrugë, ndërsa kishte ftuar qytetarët e asaj pjesë që të mos pengojën lëvizjen e lirë.
“Pengesat janë duke u bërë me disa kamionë pronë komunale dhe kjo është keqpërdorim i aseteve publike. Ftoj grupin e organizuar të qytetarëve serbë sepse ata kanë bllokuar veten e tyre dhe lëvizjen”.
Ndërsa nga ana tjetër, shefi i Misionit të Kombeve të Bashkuara në Kosovë (UNMIK), Zahir Tanin i ka bërë bërë thirrje Institucioneve të Kosovës dhe atyre të Serbisë që të zgjedhin problemin e tyre në lidhje me vendimin e fundit të Qeverisë së Kosovës për vendosjen e reciprocitetit për targa, përmes dialogut.
Sipas Tanin, veprimet e njëanshme të dy shteteve përshkallëzojnë situatën dhe rrjedhimisht duhet të shmangen për interesin e paqes dhe sigurisë në rajon.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Qeveria kroate jep 50 mijë euro për Baby Lasagna pas suksesit në Eurovision, por ai nuk i pranon: Ia dhuron dy instituteve mjekësore
-
Futbolli në Shqipërinë staliniste: 90 minutat e vetme kur njerëzit mund të jenë vetvetja
-
Afrika e Jugut: Gjenocidi në Gaza ka arritur një fazë të re dhe të tmerrshme
-
Abdixhiku: Letra e Scholzit, Macronit e Melonit ekspozoi populizmin e Kurtit – dështim spektakolar, dëm historik
Lajmet kryesore
-
Ekskluzive: Letra e Francës, Gjermanisë dhe Italisë për Kurtin: Hapat që ndërmore s’mjaftojnë, duhet dërgim në Kushtetuese i draftit të BE-së
-
Kushtetuesja do të shqyrtojë sërish mandatin e Xhaçkës
-
Çfarë është gati të paguajë Xi Jinping për luftën e Putinit?
-
Abdixhiku: Letra e Scholzit, Macronit e Melonit ekspozoi populizmin e Kurtit – dështim spektakolar, dëm historik