Legjenda e Arsenalit, Robert Pires, i ka kërkuar ish-klubit të tij që të përfitojë nga interesimi i Mikel Arteta-s për Moises Caicedo dhe të nënshkruajë me yllin e Brighton-it këtë verë.
“Topçinjtë” nuk kanë përfunduar ende pjesën e tyre të parë të biznesit të transferimeve në atë që pritet të jetë një verë e ngarkuar, megjithëse ata janë lidhur me nënshkrimin e disa mesfushorëve.
Kryesuesi mes tyre është kapiteni i Ëest Ham, Declan Rice, i cili ende po feston fitimin e Ligës së Konferencës me klubin e tij në javën e kaluar.
Arsenali është lidhur me një lëvizje për Caicedo të Brighton-it, me besimin e Arteta-s se ai mund të luajë në role të shumta për skuadrën e tij që thuhet se është një arsye kryesore pas interesimit.
Mesfushori ekuadorian duket se do të largohet nga “Amex Stadium” dhe një legjendë e Arsenalit i ka kërkuar skuadrës së tij që të blejë 21-vjeçarin.
Duke folur në një intervistë me “El Canal de Futbol”, Pires i dërgoi një mesazh ish-bashkëlojtarit të tij Edu, i cili aktualisht është drejtor sportiv i klubit.
Ai shpjegoi (citon nga Eduardo Hagn): “Shpresoj që ai të nënshkruajë për Arsenalin. Mikel Arteta e dëshiron atë, ai ka të gjitha mjetet e nevojshme për të pasur sukses në Arsenal”.
“Klubi është i gatshëm të paguajë para të mëdha për të dhe kjo është dëshmi e aftësisë së tij”.
Caicedo ishte një nga mesfushorët më të mirë në Premier League sezonin e kaluar, duke luajtur 37 ndeshje në ligë, teksa mbushi boshllëkun e lënë nga largimi i Yves Bissouma në Tottenham.
Arsenali bëri dy oferta për ndërkombëtarin Ekuadorit në janar, por të dyja ofertat u refuzuan nga Brighton.
Ai më vonë nënshkroi një kontratë të re – megjithëse menaxheri i klubit, Roberto De Zerbi pranoi në fund të sezonit se ai kishte të ngjarë të largohej këtë verë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
A negocioi KFOR-i për tërheqjen e grupit të Radoiçiçit – komiteti i NATO-s konstaton, misioni paqeruajtës e mohon, qeveria hesht
-
Egnatia fiton titullin e parë në historinë e klubit në Superiore
-
Hamasi nga Rafahu shënjestron Tel Avivin, pse tani
-
Nga Basquiat te Warhol: Ja se si ndryshoi gjithçka në artin e 1984-s