Balerini i njohur shqiptar, Kledi Kadiu, dhe bashkëshortja e tij, Charlotte Lazzari, janë bërë prindër për herë të dytë.
Lajmin e ka bërë të ditur balerini, në një postim në llogarinë e tij në Instagram, ku postoi një foto të vogëlushit të porsalindur.
Krah fotos, ai shkruante: “Gabriel. 29 gusht 2021, 13:48.”
Ky është fëmija i dytë i çiftit, pasi para pesë vitesh Kledi dhe Charlotte mirëpritën në jetë Lean, e cila dukej si një “kopje” e vogël e mamasë së saj.
Ai dhe balerina i thanë “po” dashurisë së tyre disavjeçare në një ceremoni përrallore, e cila u mbajt në Itali në qershor të vitit 2018.
Kledi dhe Charlotte njoftuan se do të bëheshin prindër në shkurt të këtij viti, ndërsa gjininë e zbuluan në prill.
Madje, në atë kohë ishte po Kledi që, me postimet e tij, e ndau lajmin e gëzuar me ndjekësit.
Ai postoi në Instagram dy foto, ku vogëlushja e tij Lean kishte lyer dorën me bojë blu dhe mbi barkun e nënës kishte vendosur shenjat e gishtave.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
U zbuluan nga megaoperacioni i SPAK, përjashtohen nga Policia e Shtetit dy efektivë të lidhur me bandat
-
Projekt pilot për pagesat elektronike, Rama: Eviton evazionin nga bizneset
-
Vrau ish-gruan Enkelejda Danaj me thikë në Athinë, lihet në burg shqiptari
-
Megaoperacioni i SPAK/ Burg për 4 anëtarët e tjerë të grupeve kriminale, shtyhet vendimi për Emiljano Shullazin
