“Mbretëresha do të mbahet mend si një simbol i forcës dhe elasticitetit, dhe për angazhimin e saj të palëkundur ndaj shërbimit publik”, tha presidentja e Kosovës, Vjosa Osmani, pasi ka njoftuar se ka marr pjesë në ceremoninë e varrimit të Mbretëreshës Elizabeth II.
“Krahas familjeve mbretërore dhe liderë të tjerë botërorë, ne morëm pjesë në pritjen e Mbretit në Pallatin Buckingham për të nderuar trashëgiminë e Mbretëreshës Elizabeth II”, ka shkruar në Twitter Osmani.
Alongside the @RoyalFamily and other world leaders, we attended HM The King’s Reception at Buckingham Palace to honour the legacy of HM Queen Elizabeth II.
The Queen will be remembered as a symbol of strength & resilience, and for her unwavering commitment to public service. pic.twitter.com/VIROSO0KOl— Vjosa Osmani (@VjosaOsmaniPRKS) September 19, 2022
Osmani dhe Zotëria i Parë, Prindon Sadriu, janë ftuar krahas homologëve nga vende të ndryshme të botës, për të marrë pjesë në ceremoninë e varrimit të Mbretëreshës Elizabeth II.
“Të dielën, ata janë ftuar të marrin pjesë në pritjen e organizuar nga Mbreti Charles III për krerë shtetesh dhe bashkëshortët e tyre nga mbarë bota, të cilët do të jenë prezent në varrimin e Mbretëreshës së Mbretërisë së Bashkuar, Elizabeth II, e cila ndërroi jetë më 8 shtator”, ka njoftuar zyra për media e Osmanit.
Ndërsa të hënën do të jenë prezent në varrimin e Mbretëreshës Elizabeth II, e më pas në pritjen e organizuar nga Sekretari për Punë të Jashtme i Mbretërisë së Bashkuar, James Cleverly.
Në mesazhin e saj ngushëllues për vdekjen e Mbretëreshës Elizabeth II, Presidentja Osmani e ka cilësuar monarken më jetëgjatë në historinë e Mbretërisë së Bashkuar, frymëzim për brezat që vijnë dhe në të njëjtën kohë duke ngushëlluar popullin e Mbretërisë së Bashkuar, ka potencuar se ai i ka ardhur në ndihmë Kosovës në ditët më të errëta.
Pallati Mbretëror ka konfirmuar se Mbretëresha Elizabeth II ka ndërruar jetë më 8 shtator.
Mbretëresha erdhi në fron në vitin 1952 dhe dëshmoi ndryshime të mëdha shoqërore.
Të gjithë fëmijët e Mbretëreshës udhëtuan në Balmoral, afër Aberdeen, pasi mjekët e vendosën Mbretëreshën nën mbikëqyrjen mjekësore.
Për shumë njerëz në Mbretërinë e Bashkuar, Mbretëresha ka qenë një simbol qetësues i sigurisë dhe vazhdimësisë gjatë gjithë jetës së tyre.
Ky është një moment historik dhe fundi i një epoke, me mbretërimin e saj të shtrirë në kaq shumë dekada.
Ajo ishte pjesë e strukturës së jetës kombëtare, një monarke që u dha shumë njerëzve një ndjenjë stabiliteti dhe qëndrueshmërie.
Mbretëresha Elizabeth II, që nga viti 1952, ka shërbyer si monarke mbretëruese e Mbretërisë së Bashkuar.
Si një princeshë e re ajo mori për herë të parë detyra publike gjatë Luftës së Dytë Botërore, duke u shfaqur në radio dhe duke u emëruar një nga zëvendësit efektivë të babait të saj si këshilltare e shtetit.
Ajo ka qenë po ashtu në krye të Commonwealth-it, grupi i 53 kombeve sovrane që përfshin shumë territore ish-britanike.
E njohur për mbretërimin e gjatë, ajo njihet për interesimin serioz për qeverinë dhe çështjet politike, përveç detyrave ceremoniale. I njihet merita edhe për modernizimin e shumë aspekteve të monarkisë.
Elizabeth, në shtatorin e vitit 2015, tejkaloi rekordin prej 63 vitesh e 216 ditësh në fron të vendosur nga Mbretëresha Victoria, stërgjyshja e saj.
Kjo e ktheu atë në monarken britanike më jetëgjatë në histori. Madje, këtë shkurt, ajo festoi jubileun e saj Platinum duke shënuar shtatë dekada të shërbimit të saj në Commonwealth.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbyllja e rrugëve ilegale s’po e ndalon hyrjen e armëve, Sveçla në kontradiktë me veten
-
Plagosje në Prizren, i dyshuari në arrati
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE
-
Dinari vazhdon të përdoret në Veri për kryerjen e pagesave, askush s’i kontrollon
Lajmet kryesore
-
Shqipëria “rrezikon përkeqësimin” e rezultateve në testin PISA – Intervistë e Albanian Post me Irida Xhurën, specialiste arsimi
-
Turistët në Mbretërinë e Bashkuar braktisin Spanjën dhe Greqinë për Shqipërinë, thotë gjigandi turistik
-
Sllovakia, një vend pre i urrejtjes
-
Mbyllja e rrugëve ilegale s’po e ndalon hyrjen e armëve, Sveçla në kontradiktë me veten