Covid-19, Republika Çeke e para në botë për rastet e reja

Me 11 mijë e 627 raste për 100 mijë banorë, Republika Çeke është tanimë vendi me shkallën më të lartë të infeksioneve të reja në botë (mesatarisht në javë 111 raste në ditë për 100 mijë njerëz.

Në të gjithë botën, rastet e reja duket se janë ulur në përgjithësi për gjashtë javë. Praga është më afër se kurrë me një rekord të të gjitha kohërave.

Spitalet janë dorëzuar. Republika Çeke, me 10 milion banorë, është i dyti në botë për vdekjet ditore në mesatare javore (e para është Sllovakia fqinje) dhe ka numëruar, deri më sot, 20 mijë e 339 viktima të Covid.

Situata u përkeqësua aq shpejt sa kryeministri çek Andrej Babiš njoftoi dje se, ashtu si homologu i tij hungarez, se do të miratojë përdorimin e vaksinës ruse Sputnik V, pa pritur përgjigjen e EMA-s.

“Si është e mundur që një anëtar i BE-së ka arritur në majë të renditjes së agresionit të pandemisë”? “Ne kemi bërë shumë, shumë gabime,” tha Babiš të Premten, duke iu referuar Parlamentit dhe duke njoftuar një lockdown të ashpër duke filluar nga sot.

Shkollat ​​u mbyllën, ndalimi i daljeve përveç “nevojës së rreptë”, kufijtë rajonalë të mbyllur. Vetëm fabrikat mbeten të hapura, në mënyrë që të mos ndalohet sektori i prodhimit i cili aktualisht përfaqëson 40% të GDP-së. Por për cilat “gabime” foli Kryeministri Babiš të Premten?

Vonesat në vlerësime

Kriteri me të cilin vlerësohet situata epidemiologjike – dhe që vendos, për shembull, ashpërsinë e kufizimeve që do të miratohen – ndryshon nga vendi në vend.

Në Republikën Çeke qeveria gjithashtu ka zgjedhur si parametër numrin e pacientëve të shtruar në spital dhe pranimet e kujdesit intensiv. Kjo do të thotë që ke vazhdimisht një paraqitje të vonuar të përhapjes së infeksionit, e cila përhapet disa ditë para se të bëhet simptomatike.

Lufta ndaj maskave dhe polemikat me “ekspertët”

Epidemiologu Rastislav Maďar, rektor i Fakultetit të Mjekësisë të Ostrava-s dhe ish-anëtar i task forcës qeveritare anti-Covid, foli për mikrofonat e CNN-it. Deklarata e tij u dha përpara se të jepte dorëheqjen për shkak të refuzimit që Kryeministrit Babiš bëri për të ndjekur rekomandimet e tij për përdorimin e maskës.

Në fund të gushtit, epidemia dukej se po fitonte përsëri terren dhe komiteti këshilloi qeverinë të rivendoste detyrimin për të mbajtur maska ​​të paktën në vende të mbyllura publike

Krishtlindjet me gjithçka hapur dhe variacionet, të injoruara deri tek e fundit

Pastaj erdhën Krishtlindjet: infeksionet pësuan një rënie të lehtë, presioni i fortë për të rihapur gjithçka dhe për të bërë të paktën pazaret e Krishtlindjeve. Kështu ndodhi. Por edhe në fillim të janarit, kur “varianti anglez” filloi të përhapej, qeveria Babiš nuk vendos kufizime më të rrepta.

Zgjedhjet e Tetorit dhe fushata që i parapriu ato

Por orteku i Covid-19, pas një menaxhimi pothuajse shembullor të pandemisë në pranverë, filloi edhe para Krishtlindjeve, në Tetor, në muajin zgjedhor.

Infeksionet, si kudo në vjeshtë, filluan të rriteshin përsëri; Kryeministri Babiš, megjithatë, nuk mbylli asgjë, duke shpjeguar se të bëje një gjë të tillë ishte “e shtrenjtë dhe joefikase”.

“Paradoksi i suksesit”

Midis faktorëve që përmenden më shpesh si shkak i katastrofës Çeke është suksesi i masave që u përmbajtën në valën e parë: pas një lockdown-i të njoftuar shumë shpejt, vendi mbeti relativisht i padëmtuar.

Një ekspert i CNN thotë se “në fushën e shëndetit publik, ky fenomen njihet si “paradoksi i suksesit”: nëse funksionon një masë parandaluese, publiku do të tentojë të nënvlerësojë kërcënimin që i ka shpëtuar dhe nuk do të jetë i gatshëm të marrë masa të reja parandaluese. Kjo është pikërisht ajo që ndodhi në Republikën Çeke, ku fatura tani është e lartë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.