Reperja amerikane, Nicki Minaj, është arrestuar në aeroportin Schiphol të Amsterdamit në Holandë.
Kjo sipas raportimeve të mediave lokale.
Minaj ka filmuar një pjesë të takimit të saj me policinë, duke e postuar në media sociale.
Në video duket se një oficer policie i thotë Minajt: “Je e arrestuar”.
Një zëdhënës i policisë holandeze, Robert van Kapel, tha për NBC News: “Ne mund të konfirmojmë se kemi arrestuar një grua 41-vjeçare amerikane në aeroportin Schiphol për shkak të posedimit të drogave të lehta”, pa përmendur emrin e gruas në fjalë.
Një deklaratë e dhënë për agjencinë PA nga policia holandeze konfirmoi se gruaja mbeti e arrestuar të shtunën në mbrëmje.
Ylli i muzikës ka postuar një sërë mesazhesh në X me sa duket në lidhje me incidentin.
“Më morën valixhet pa pëlqim”, ka shkruar ajo.
Artistja thuhet se po përgatitej të fluturonte për në Mbretëri të Bashkuar për një koncert.
Dyert e koncertit u hapën rreth 30 minuta vonë të shtunën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
