Këtë shtator, Shqipëria mori për herë të dytë presidencën e Këshillit të Sigurimit të Kombeve të Bashkuara.
Ajo ka në plan të organizojë tre takime të rëndësishme.
I pari është debati i hapur vjetor i metodave të punës, i cili do të mbahet nën pikën e rendit të ditës “Zbatimi i notës nga Presidenti i Këshillit të Sigurimit (S/2017/507)”.
Ambasadori Ferit Hoxha, përfaqësuesi i Përhershëm i Shqipërisë në OKB dhe Kryetar i Grupit Informal të Punës për Dokumentacionin dhe Çështjet e Tjera Procedurale (IWG), pritet të jetë raportuesi.
Takimi i dytë është një debat i hapur mbi “Përparimin e Partneritetit Humanitar Publik-Privat”.
Ai pritet të fokusohet në mënyrën se si të koordinohen më mirë përpjekjet e shteteve anëtare, sektorit privat, filantropive dhe aktorëve të tjerë humanitar në përgjigjen ndaj krizave humanitare.
Ministrja shqiptare për Evropën dhe Punët e Jashtme Olta Xhaçka do të drejtojë takimin.
Të ftuarit e pritur janë Cindy H. McCain, Drejtore Ekzekutive e Programit Botëror të Ushqimit (WFP), Eric Schmidt, bashkëthemelues i Schmidt Futures—një sipërmarrje filantropike që financon kërkimin shkencor dhe teknologjik, Michael Miebach, CEO i korporatës së përpunimit të pagesave Mastercard, dhe një përfaqësues të shoqërisë civile.
Ngjarja e tretë është një debat i hapur mbi “mbështetjen e qëllimeve dhe parimeve të Kartës së OKB-së përmes multilateralizmit efektiv: Ruajtja e paqes dhe sigurisë së Ukrainës”.
Kryeministri shqiptar Edi Rama pritet të drejtojë takimin, i cili do të mbahet në segmentin e nivelit të lartë të Asamblesë së Përgjithshme të OKB-së.
Në shtator, Këshilli i Sigurimit do të mbajë gjithashtu një konferencë mbi reformën paqeruajtëse në përputhje me rezolutën 2378 të datës 20 shtator 2017.
Nënsekretari i Përgjithshëm për Operacionet e Paqes Jean-Pierre Lacroix pritet të jetë informuesi për çështjen.
Anëtarët e Këshillit pritet gjithashtu të mbajnë një Dialog Interaktiv Informal të nivelit të lartë (IID) me Sekretarin e Përgjithshëm të Lidhjes së Shteteve Arabe (LAS), Ahmed Aboul Gheit dhe anëtarët e Trojkës së Samitit Arab.
Ky i fundit është një grup prej tre vendesh me rotacion që monitorojnë zbatimin e rezolutave dhe angazhimeve të miratuara nga LAS, i cili përbëhet nga kryesuesit e Samitit Arab në largim, aktual dhe në ardhje (Algjeria, Arabia Saudite dhe Bahreini).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Balla takim në Drejtorinë e Policisë Kombëtare të Spanjës: Thellojmë bashkëpunimin, grupe të përbashkëta hetimore për aktivitetet kriminale
-
Operacioni i SPAK: Arrestohet Naim Stafuka, vëllai i Enver Stafukës i rrëmbyer dhe zhdukur në 2015
-
Megaoperacioni i SPAK, zbardhen detaje nga akuzat për Durim Bamin
-
Shqipëria “rrezikon përkeqësimin” e rezultateve në testin PISA – Intervistë e Albanian Post me Irida Xhurën, specialiste arsimi
Lajmet kryesore
-
Shqipëria “rrezikon përkeqësimin” e rezultateve në testin PISA – Intervistë e Albanian Post me Irida Xhurën, specialiste arsimi
-
Balla takim në Drejtorinë e Policisë Kombëtare të Spanjës: Thellojmë bashkëpunimin, grupe të përbashkëta hetimore për aktivitetet kriminale
-
Tre turistë spanjollë dhe një afgan u vranë nga një sulm në Afganistan
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE