Billie Eilish njofton turneun e radhës nga albumi i ardhshëm “Hit Me Hard and Soft”

Këngëtarja Billie Eilish po rikthehet në skenë.

Artistja njoftoi një turne të ardhshëm, i lidhur me albumin e saj të tretë në studio “Hit Me Hard and Soft”, i cili do të publikohet më 17 maj.

Turneu me të njëjtin emër do të nisë në shtator në Amerikën e Veriut dhe do të vazhdojë deri në fund të dhjetorit.

Më pas Eilish do të rikthejë turneun në Australi duke filluar në shkurt të vitit 2025, e ndjekur nga ndalesa pranverore në Evropë dhe MB.

Për një listë të plotë të datave të turneut vizitoni faqen, billieeilish.com .

Biletat parashitëse do të jenë të disponueshme më 30 prill, me parashitje shtesë gjatë gjithë javës.

Çdo biletë e mbetur do të jetë e disponueshme gjatë shitjes së përgjithshme duke filluar nga 3 maji në faqen e saj të internetit.

Eilish do të vazhdojë partneritetin e saj me organizatën jofitimprurëse mjedisore Reverb, e cila më parë rezultoi në mbi 1 milion dollarë të dhuruara për projektet mjedisore, reduktimin e gazit serrë dhe drejtësinë klimatike.

Përpjekjet në këtë turne përfshijnë reduktimin e ndotjes së gazit serrë, uljen e mbetjeve plastike për një përdorim të vetëm, mbështetjen e veprimit klimatik dhe përditësimin e ofertave të koncesioneve për të promovuar dhe inkurajuar opsionet e ushqimit me bazë bimore me Support+Feed, sipas një njoftimi nga Eilish.

Përndryshe, Eillish bëri bujë së fundmi, teksa në një intervistë me Rolling Stone, u shpreh për atë se si personaliteti i saj publik ndonjëherë mund të përplaset me jetën e saj private.

“Vetëm sepse ai është në ankth nuk do të thotë se ai nuk mund të të shqyejë fytyrën nëse hyn në shtëpinë time”, tha Eilish, 22 vjeçe, për pitbullin e saj gri të quajtur Shark, i cili aktualisht merr ilaçe kundër ankthit si trazodone dhe Reconcile për qentë.

Ylli i hitit “Everything I wanted” më pas reflektoi se si edhe me zotërimin e një qeni shumë mbrojtës, si dhe me roje sigurie, ndonjëherë nuk është e mjaftueshme për të mbajtur larg disa fansa të zellshëm.

“Nuk është në përshkrimin e punës, me siguri”, tha Eilish për median.

“Më ndodhën gjëra vërtet të frikshme në jetën time personale dhe siguria ime u rrezikua disa herë, dhe kjo është një pjesë e madhe e jetës sime. Kjo është diçka me të cilën duhet të jetoj. Por nuk e di, me të vërtetë më bëri të indinjuar nga jeta ime, kur nuk mund të jesh rehat as në shtëpinë tënde”, shtoi ajo.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.