“Ju më pyesni, a fiton PD-ja me Sali Berishën në krye? Unë them fiton”.
Kështu ka deklaruar ish-kryeministri Sali Berisha, duke konfirmuar garimin në zgjedhjet për kreun e Partisë Demokratike.
Ai u shpreh gjithashtu se nëse PD-ja nën drejtimin e tij do të humbasë zgjedhjet e ardhshme lokale, do të dalë sërish në bazë për të kërkuar votëbesimin e anëtarësisë dhe do të largohet nga drejtimi i partisë nëse humbet zgjedhjet e përgjithshme.
“Kushdo që të vijë të garojë me mua është i mirëpritur. Nëse nuk fitoj, e respektoj. Nëse në zgjedhjet lokale humbas, do vij të votohem te ju. Po humba zgjedhjet e përgjithshme, largohem dhe jap dorëheqjen”.
Ish-kryeministri tha se bunkerizimi i Partisë Demokratike nuk mund të bëhej kurrë.
“Ne kaluam një krizë dhe ish-kryetari i PD-së dha dorëheqjen për zhvillimet siç e tha vetë ai nga 9 shtatori deri sot. Unë ju them ju se asnjë demokrat i Tepelenës, Gjirokastrës, apo Shqipërisë që gjatë këtyre muajve ndoqi në një mënyrë apo një tjetër ish-kryetarin nuk ka asnjë përgjegjësi për vendimin e 9 shtatorit sepse ai nuk pyeti asnjëri mbi tokë”, deklaroi Berisha nga Tepelena referuar kryetarit të dorëhequr Lulzim Basha.
Sipas tij, Basha nuk pyeti institucionet as forumet.
“ Ju e shihni, dje po hiqeshin dyert. A mund të imagjinoni? E ardhmja me dhjetëra tonë bunkerë. A ishte normal apo nuk ishte normal ai që e bëri nuk mund të them. Por, ai dha dorëheqjen. Ajo s’mund të bëhej kurrë. Megjithatë selia po hapet për të gjithë demokratët, shtëpia jonë e përbashkët aty është, prandaj duhet të vini”.
Berisha theksoi se selia po hapet.
“Shtëpia jonë e përbashkët, aty është. Tani unë vlerësoj shumë frymën e pajtimit që ekziston në bazë. Kjo egziston edhe në qendër”.
Gjatë takimit me kryetarin e komanduar Enkelejd Alibeaj, ky i fundit i kishte thënë se me të non grata PD nuk fiton, por Berisha tha se i kishte kujtuar “1997 dhe 2005 kur PD fitoi dhe ndryshoi Shqipërinë”.
Lidhur me vendimin për shpalljen e tij non-grata nga SHBA-të, Berisha theksoi se për të ka dy Amerika.
“Ka një Amerikë që më ka shpallur non grata dhe që nuk i kam kërkuar kurrë ta heqë këtë vendim. Ka një Amerikë tjetër, ajo Republikane, e asaj partie të madhe që është e rreshtuar PD-ja që nga krijimi gjer më sot”.
Ai theksoi se nuk do kërkoj “kurrë sa të jetë në pushtet Antony Blinken që të ndryshojë vendimin e tij”.
“Më ka cënuar dinjitetin, pranoj vetëm të falur publikisht, asgjë tjetër”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Akuzohet se shtyu gruan drejt tentativës për vetëvrasje, pranga 43-vjeçarit
-
Forcimi i angazhimit me rininë është themeli i zhvillimit të një shoqërie demokratike, thotë Hasani
-
Në jug popullatë e moshuar, veriu drejt zbrazjes – Shifrat reflektojnë vështirësi të mëdha demografike për Shqipërinë
-
Pas vetëvrasjes së polices 21-vjeçare, arrestohet i dashuri i saj për fshehje të së vërtetës
Lajmet kryesore
-
Në jug popullatë e moshuar, veriu drejt zbrazjes – Shifrat reflektojnë vështirësi të mëdha demografike për Shqipërinë
-
Forcimi i angazhimit me rininë është themeli i zhvillimit të një shoqërie demokratike, thotë Hasani
-
Hungaria po studion një rol të ri në NATO, “për të mos marrë pjesë”
-
Çfarë do të thotë për Kosovën avancimi i statusit në Asamblenë Parlamentare të NATO-s?