Në “Camp Nou”, Barcelona priti skuadrën modeste të Huesca-s. Ishte ndeshja përmbyllëse e javës së 27-të në La Liga.
Katalunasit nuk kishin vështirësi në asnjë moment gjatë ndeshjes, duke dominuar që nga fillimi.
Protagonist absolut në këtë ndeshje ishte i përhershmi Lionel Messi.
Argjentinasi me një super gol nga jashtë zonës i japi epërsinë katalunasve në minutën e 13-të.
Ndeshja vazhdoi me dominim total të Barcëlona-s, dhe goli i dytë erdhi nga këmbët e Griezmann në minutën e 35-të.
Kur pjesa e parë po mbyllej me rezultat 2-0, një penallti e dyshimtë u akordua për Huesca-n, dhe mysafirët ngushtuan rezultatin në 2-1 përmes Rafa Mir.
Pjesa e dytë ishte histori e njejtë, me dominim të madh të Barcelona-s.
Ishte Mingueza që gjeti golin e parë me Barcelona-n pas asistimit të të jashtëzakonshmit Messi.
Pikërisht argjentinasi ishte ai që mbylli ndeshjen me golin e dytë personal në minutën e 90-të.
Me këtë dy golësh, Messi ngjitet në kuotën e 21 golave në La Liga.
Barcelona afrohet vetëm katër pikë me Atletico Madrid-in, dhe tani me tre ekipet e para që kanë vetëm gjashtë pikë diferencë me njëra tjetrën, lufta për titull në Spanjë është krejtësisht e hapur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohet ndarja e tribunave për dy finalet, Partizani – Egnatia dhe Skënderbeu – Vllaznia
-
“Isha më i mirë, fitoren ia dhanë për shkak të Ukrainës”, Fury pasi u mposht nga Usyku
-
Apolonia fiton Kupën e Shqipërisë për vajza
-
Bundesliga mbyll sezonin, por sytë mbeten ende nga finalja e Champions League
Lajmet kryesore
-
“Prodhimi i armëve”, Çfarë parashikon projektligji i hedhur në konsultim
-
Meloni detyrohet ta shtyjë vizitën për në Shqipëri – kontratë për menaxhimin e emigrantëve, por jo qendra
-
Franca “mbështet ICC-në dhe luftën kundër mosndëshkimit”
-
SHBA-ja kritikon Kosovën për “përshkallëzim të tensioneve” pas mbylljes së degëve të bankës serbe në veri
