Muzeu në Krushë të Madhe, Ambasada britanike: Të kujtosh të kaluarën dhe të vlerësosh të vërtetën janë themelet e drejtësisë tranzicionale
Ambasada e Mbretërisë së Bashkuar në Kosovë, ndërsa ka përgëzuar Kosovën për inaugurimin e Muzeut të Masakrës së Krushës së Madhe, ka potencuar se të kujtosh të kaluarën dhe të vlerësosh të vërtetën janë themelet e drejtësisë tranzicionale.
“Ne ishim të nderuar sot të merrnim pjesë në inaugurimin e Muzeut të Masakrës në Krushë të Madhe dhe të nderonim mbi 200 civilët e vrarë nga forcat e Millosheviçit 25 vjet më parë sot”.
Sipas Ambasadës së Mbretërisë së Bashkuar banorët e Krushës së Madhe simbolizojnë forcën për të ruajtur kujtimin e së kaluarës dhe guximin për të parë përpara drejt së ardhmes.
Në anën tjetër në përurimin e Muzeut të Masakrës së Krushës së Madhe të Rahovecit, Ambasadori i Shteteve të Bashkuara të Amerikës, Jeffrey Hovenier, ka thënë se NATO-ja kishte intervenuar për shkak të krimeve të tmerrshme që kishin ndodhur në këtë fashat, ku forcat serbe vranë e masakruan mbi 200 persona.
“NATO-ja veproi pikërisht për shkak të krimeve të tmerrshme si ky që kishte ndodhur këtu. Si aleancë ne u bëmë bashkë për të reaguar vetëm pasi i kishim shterur të gjitha alternativat për të ndalur gjakderdhjen”, tha Hovenier.
Ndërsa ambasadori i Gjermanisë, Jorn Rohde, theksoi se intervenimi i NATO-s ishte i domosdoshëm.
“Kjo si dhe masakrat tjera, vetëm treguan se kishte ardhur koha tashmë që NATO të ndërhynte për ta shmangur një tragjedi humanitare si dhe spastrimin etnik i cili po ndodhte këtu”, potencoi Rohde.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Vula e PD-së, Apeli cakton datën e gjykimit
-
Sllovakia, një vend pre i urrejtjes
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE