Necmeddin Bilal Erdogan, djali i Presidentit të Turqisë, Recep Tayyip Erdogan, do të qëndrojë të mërkurën (27 dhjetor) në Kosovë.
Lajmi është bërë i ditur nga Kolegji Universum, të cilët do ta nderojnë Erdogan-in me çmimin për “Global Leadership”.
“Na lejoni të ju informojmë se nesër (e mërkurë) me datë 27.12.2023 do të kemi kënaqësinë të kemi në vizitë djalin e Presidentit turk Erdogan, z. Necmeddin Bilal Erdogan, si Kryesues i Bordit të Institutit që është pjesë e universitetit tonë partner, Kirikale University”, thuhet në njoftim.
Kjo është hera e parë që djali i presidentit turk viziton Kosovën. Ndërsa, nuk dihet nëse ai do të ketë ndonjë takim tjetër përveç ceremonisë në Kolegjin Universum.
Ndërsa, më 8 dhjetor, Presidentja e Kosovës, Vjosa Osmani, ishte takuar në Stamboll me Presidentin e Turqisë, Recep Tayyip Erdogan.
Përmes një postimi në Facebook, Osmani kishte thënë se homologun e saj turk e ka falënderuar për mbështetjen e fuqishme për Kosovën, “përfshirë në periudha të rënda e sfiduese për ne, si dhe e informova për zhvillimet e fundit në vendit tonë”.
“Do të vazhdojmë të punojmë afër në mënyrë që ta rrisim bashkëpunimin mes vendeve tona e popujve tanë”, shkroi ajo.
Së fundmi Kosova ka blerë pajisje ushtarake nga Turqia, siç janë dronët “Bayraktar TB-2”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Raporti: KFOR-i e negocioi largimin e terroristëve nga Banja
-
Vendet evropiane të marrin shembull nga marrëveshja jonë me Shqipërinë për emigrantët, thotë Meloni
-
Washingtoni i kujdesshëm, verdikti i Hagës është një armë shtesë për të ushtruar presion ndaj Netanyahut
-
Grenell i kishte propozuar Trump-it që ta vizitojë Thaçin në Hagë, thotë NYT