Haradinaj: Diskriminimi që Kurti u ka bërë komunave që s’i qeverisë partia e tij, s’ka ndodhur as në kohën e Rankoviç-it
“Diskriminimi që u ka bërë Albin Kurti komunave që nuk janë nën qeverisjen e partisë së tij, nuk ka ndodhur as në kohën e [Aleksandër] Rankoviç-it”, ka thënë Ramush Haradinaj.
Këto komente kreu i Aleancës për Ardhmërinë e Kosovës i ka bërë përmes një postimi në Facebook, pasi që në Kuvendi i Kosovës, aktualisht është duke votuar në lexim të dytë buxhetin për vitin 2024.
Në lidhje me këtë buxhet, partitë opozitare kanë shprehur kritikat e tyre, të cilat nuk janë marrë parasysh nga pushteti.
Madje, në ndarjet e mjeteve financiare që qeveria e ka paraparë për komunat, vërehet qartë diskriminimi që u është bërë atyre komunave që partia në pushtet, pra Lëvizja Vetëvendosje, nuk i ka në qeverisje, ndryshe nga ato që i ka.
“Në Kuvendin e Kosovës është nxjerrë për miratim Buxheti më skandaloz që ka pasë Kosova ndonjëherë”, ka shkruar Haradinaj.
Sipas ish-kryeministrit, me këtë buxhet Albin Kurti “i ka shpallë luftë të hapur qytetarëve të këtij vendi, duke ja u pakësu edhe bukën”.
“Kryeministër, tërhiqe këtë buxhet sa nuk je përballur me padëgjueshmëri qytetare!”, bëri thirrje ai.
Nëse nuk e tërheqë këtë buxhet, shtoi ai, “u sugjeroj qytetarëve të komunave të dëmtuara, të të shpallin ‘nongrata’!”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Balla takim në Drejtorinë e Policisë Kombëtare të Spanjës: Thellojmë bashkëpunimin, grupe të përbashkëta hetimore për aktivitetet kriminale
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Balla takim në Drejtorinë e Policisë Kombëtare të Spanjës: Thellojmë bashkëpunimin, grupe të përbashkëta hetimore për aktivitetet kriminale
-
Tre turistë spanjollë dhe një afgan u vranë nga një sulm në Afganistan
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE