Një shef ekzekutiv indian po kritikohet pasi ka thënë se firma e tij ka zëvendësuar 90 për qind të stafit mbështetës me një chatbot të inteligjencës artificiale (AI).
Suumit Shah, themeluesi i Dukaan, ka shkruar në Twitter se chatbot-i ka përmirësuar në mënyrë drastike përgjigjen e parë dhe kohën e zgjidhjes së pyetjeve të klientëve.
Por kjo shkaktoi zemërim në internet.
Lëvizja e tij vjen në një kohë kur ka pasur shumë biseda dhe shqetësime për AI-në që u ka hequr punët njerëzve, veçanërisht në industrinë e shërbimeve.
Në një seri postimesh në Twitter, të cilat kanë mbi një milion shikime, Shah ka treguar për vendimin e firmës së tij për të përdorur një chatbot.
Sipas tij, megjithëse shkarkimi i stafit ishte një vendim i vështirë, ai ishte i nevojshëm.
Po ashtu ka treguar se si e ndërtuan chatbot-in dhe platformën e AI-së në një hark kohor të shkurtër, në mënyrë që të gjithë klientët e Dukaan të mund të kishin asistentin e tyre të AI-së.
Ai ka thënë se roboti po u përgjigjej të gjitha llojeve të pyetjeve me shpejtësi dhe saktësi.
“Në epokën e kënaqësisë së menjëhershme, nisja e një biznesi nuk është më një ëndërr e largët”, ka shkruar ai.
“Me idenë e duhur, ekipin e duhur, çdokush mund t’i kthejë ëndrrat e tij sipërmarrëse në realitet”, ka shtuar ai.
Shah ka thënë gjithashtu se firma po punësonte staf për role të shumta.
Vitet e fundit, mjetet gjeneruese të AI-së si ChatGPT janë përhapur dhe janë bërë më të aksesueshme.
Ka pasur raportime të organizatave që përdorin këto mjete për të rritur produktivitetin duke ulur kostot.
Çka i ka bërë punonjësit të frikësohen për humbjen e vendeve të punës për shkak të teknologjisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kush është Ilya Sutskever, shkencëtari i shkëlqyer që u largua nga OpenAI
-
Si e ktheu inteligjenca artificiale një YouTuber-e ukrainase në ruse?
-
Mustafa Suleyman: AI do të na bëjë të pasur, por nëse i bëjmë gjërat siç duhet
-
OpenAI konsideron të lejojë përdoruesit të krijojnë pornografi të krijuar nga AI
Lajmet kryesore
-
A negocioi KFOR-i për tërheqjen e grupit të Radoiçiçit – komiteti i NATO-s konstaton, misioni paqeruajtës e mohon, qeveria hesht
-
Egnatia fiton titullin e parë në historinë e klubit në Superiore
-
Hamasi nga Rafahu shënjestron Tel Avivin, pse tani
-
Nga Basquiat te Warhol: Ja se si ndryshoi gjithçka në artin e 1984-s