Ndonëse ishte çështje e kryer që Granit Xhaka e luajti ndeshjen e fundit dje me fanellën e Arsenal-it, këtë gjë nuk e ka konfirmuar trajneri i “Topçinjve”, Mikel Arteta.
Në ndeshjen e fundit të sezonit që Arsenal-i e zhvilloi dje ndaj Wolves, Xhaka shkëlqeu duke shënuar dy golat e parë në një interval kohor prej tre minutash (11 dhe 14), derisa londinezët fituan me rezultat 5:0.
Pas ndeshjes, gazetarët e pyetën Arteta-n për largimin e kosovarit, por tekniku spanjoll la të kuptohet se asgjë nuk është vendosur ende.
🏆 Our Player of the Match v Wolves…
⭐️ Granit Xhaka
✊ How good was Granit yesterday, Gooners? pic.twitter.com/5KuYcS2Ueg
— Arsenal (@Arsenal) May 29, 2023
“Pse, e dini sigurt që kjo do të ndodhë. Asgjë nuk është e sigurt”, tha Arteta kur u pyet për largimin e Granitit nga Londra.
Xhaka u shpall lojtari i ndeshjes në këtë takim, derisa pas përfundmit tifozët brohoritën “Xhaka qëndro”.
Flitet shumë se mesfushori kosovar tashmë veç se ka arritur marrëveshje për një transferim në Bayer Leverkusen, me “Aspiriniat” që do të paguajnë rreth 13 milionë euro për transferimin e Xhakës.
Kujtojmë që Xhaka është pjesë e Arsenal-it që nga vera e vitit 2016, kur u transferuar nga Borussia Monchengladbach për shumën e 45 milionë eurove.
Ai në total ka luajtur në 297 ndeshje në të gjitha garat me fanellën e Arsenal-it, prej të cilave ka shënuar 23 gola dhe ka dhuruar 29 asistime.
Mesfushori 30-vjeçar për 7 vite ishte pjesë e Arsenalit fitoi dy herë FA Cup dhe dy herë Super Kupën Community Shield.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohet ndarja e tribunave për dy finalet, Partizani – Egnatia dhe Skënderbeu – Vllaznia
-
“Isha më i mirë, fitoren ia dhanë për shkak të Ukrainës”, Fury pasi u mposht nga Usyku
-
Apolonia fiton Kupën e Shqipërisë për vajza
-
Bundesliga mbyll sezonin, por sytë mbeten ende nga finalja e Champions League
Lajmet kryesore
-
Si mund të kërkojë dikush më shumë?
-
Megaoperacioni i SPAK/ Burg për 4 anëtarët e tjerë të grupeve kriminale, shtyhet vendimi për Emiljano Shullazin
-
Gjykata Penale Ndërkombëtare kërkon urdhër arrest për Sinwar dhe Netanyahu-n
-
Në opozitë s’ka konsensus për shpërndarjen e kuvendit – pushteti kërkon unitet për zgjedhje të parakohshme