Barcelona e mposhti Real Valladolid-in me rezultat 4:0 në ndeshjen e vlefshme të javës së tretë në La Liga.
Pas ndeshjes foli në konferencën për media trajneri i katalanasve, Xavi Hernandez, i cili mes tjerash ndihet shumë i sigurt ta ketë në skuadër Robert Lewandowski-n, që ishte protagonist në këtë ndeshje duke shënuar dy gola.
“Nuk është puna vetëm te golat, përveç që shënon, ai është një lojtar i mrekullueshëm. Lëviz mirë, e mbron topin dhe bën pasime për shokët e skuadrës. Është një lider i papërsëritshëm”, tha Xavi.
“Është e mrekullueshme ta kesh në skuadër. Është një punëtor i madh, punon shumë për ekipin. Ai bën diferencën”, shtoi trajneri i Barcelonës.
Më tej ai foli edhe për ndeshjen, që pavarësisht rezultatit të thellë, gjeti vend edhe për kritika.
“Loja nuk ishte e përsosur. Kemi ende punë për të bërë. 40 minutat e para kanë qenë shumë më të mira. Edhe pjesën e dytë e nisëm mirë, por ka ende gjëra për të përmirësuar. Mund të pësonim në disa raste”, tha Xavi.
“Reparti i mbrojtjes mund të përmirësohet akoma. Ne humbasim shumë topa të panevojshëm, duhet të jemi të durueshëm, megjithatë loja ishte e jashtëzakonshme, shumë e mirë”, u shpreh mes Xavi.
Kujtojmë që Barcelona aktualisht zë vendin e tretë në La Liga me shtatë pikë, derisa me pikë maksimale nga tri javët e para janë Real Madrid-i dhe Betis-i.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti kërkoi vazhdimisht ekstradimin e Radojiçiç-it – por krimineli u lejua të largohej nga Banja “pas negociatave”
-
Rrugorja e Tiranës bën bilancin javor – 9 arrestime, mijëra gjoba dhe bllokime automjetesh
-
Furtunë mbi djalin e Netanyahut, pasi ai poston një video të një ushtari që kërcënon ministrin e Mbrojtjes
-
Interesim i lartë edhe në Milano – Shqiptarët e Italisë presin Ramën