Më 12 prill, Kuvendi i Kosovës do të diskutoj për politikën e jashtme, ka bërë të ditur kryetarja e Grupit Parlamentar të Lëvizjes Vetëvendosje, Mimoza Kusari-Lila.
Deputetja nga radhët e Partisë Demokratike të Kosovës, Blerta Deliu-Kodra ka thënë se Kosova është në situatë shumë të rëndë.
“Kosova është në një situatë të rëndë sa i përket politikës së jashtme. Kemi parashtruar tash e dy javë kërkesë për të diskutuar këtë çështje. Por kryeministri e ministrja kanë qenë jashtë vendit. U vendos që më 12 prill, në një seancë të diskutohet për politiken e jashtme në Kuvendin e Kosovës”, ka thënë Deliu-Kodra.
Ndër të tjera e pyetur për punën njëvjeçare të Vjosa Osmanit, në krye të Presidencës, Deliu-Kodra u shpreh se Osmani është dashur të reagojë zëshëm jo vetëm kur ajo e konsideron të nevojshme por, “sa herë cenohen interesat e qytetarëve”.
“Osmani duhet të jetë e zëshme në pikat tona si energjia. Do të duhej të ishte në nivel të detyrës, jo vetëm kur e konsideron ajo, por sa herë që cenohen interesat e qytetarëve. Unë besoj se ka raste kur janë cenuar e presidentja nuk ka qenë mjaftueshëm e zëshme”, tha Osmani.
Kryetari i Grupit Parlamentar të Aleancës së Ardhmërisë së Kosovës, Besnik Tahiri, deklaroi se kjo është performanca më e dobët parlamentare dhe qeveritare në histori të Kosovës.
Ai ka kritikuar edhe për Ligjin e Festave Zyrtare ku tha se të pestë të hënat e ardhshme janë festa, e ky Ligj sipas tij, duhet të rregullohet e të diskutohet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
A negocioi KFOR-i për tërheqjen e grupit të Radoiçiçit – komiteti i NATO-s konstaton, misioni paqeruajtës e mohon, qeveria hesht
-
Egnatia fiton titullin e parë në historinë e klubit në Superiore
-
Hamasi nga Rafahu shënjestron Tel Avivin, pse tani
-
Nga Basquiat te Warhol: Ja se si ndryshoi gjithçka në artin e 1984-s